१५२ वर्षपछिको विशेष चन्द्रग्रहण आज, ग्रहण राहु केतुले पीडित, कुन राशीले के गर्ने के नगर्ने ? 

१७ माघ २०७४

banner

काठमाडौं। जनवरी महिनाको अन्तिम दिन आज लाग्न लागेको खग्रास चन्द्रग्रहणमा सूर्य र चन्द्रमा दुवै राहु केतुले पीडित भएको ज्योतिषीहरुले बताएका छन् । यसको अशुभ असर सबै राशीहरुमा पर्नेछ । नक्षत्रका कारण केही व्यक्तिलाई बढी प्रभाव पर्नेछ भने केहीलाई कम । ग्रहणका कारण धेरैजसो मानसिक रुपमा चिन्तित रहनेछन् र गलत फैसला लिन सक्नेछन् ।  राहु केतुका कारण मनमा डर उत्पन्न हुनेछ । यसकारण महिनाको अन्तिम दिन होसियार रहनु जरुरी छ । 

कुन राशीले के गर्ने के नगर्ने ? 

मेषः यो राशी हुनेहरुले जरुरी काम हिम्मत र आत्मविश्वासका साथ गर्न सक्नेछन् । काममा सफलता प्राप्त हुनेछ । केही त्याग पनि गर्नु पर्नेछ । काम पूरा गर्नको लागि खर्च बढ्नेछ । केही गोप्य सूचना पनि पाउन सक्नुहुनेछ ।  यो राशी हुनेहरु कम बोल्नुहोला र आफ्ना गोप्य कुरा नखोल्नुहोला । अनावश्यक विवादबाट टाढै रहने कोसिस गर्नुस् । अल्झिएका कुरामा आफूलाई नफसाउनुहोला । कुराकानीमा विवाद हुन सक्छ । निराशाको स्थिति आउन सक्छ । प्रेम प्रसंग, पारिवारिक जिम्मेवारी र कार्यालयका काममा अचानक बाधा आउन सक्छ । स्वास्थ्यसम्बन्धी समस्या हुन सक्छ । परिवारका कुनै सदस्यको स्वास्थ्य बिग्रन सक्छ । 
के गर्ने: एउटा गुलाब दिनभर आफूसँग राख्दा केही राम्रो हुनेछ । 

वृषः आर्थिक कामहरु आज गर्नुहोस् फाइदा हुने योग छ । अनावश्यक खर्चबाट बच्न सकिनेछ । मनोरन्जनका कारण दिनचर्यामा परिवर्तन हुनेछ । केही नयाँ गर्ने कोसिस गर्नुहोस् धेरै हदसम्म सफल हुन सक्नुहुनेछ । धनलाभ हुनेछ । सावधानीसँग दिन बिताउनुहोला । अनावश्यक विवादबाट बच्नुहोला । वाहन प्रयोगमा सावधान रहनुहोस् । 
के गर्ने: कार्यालय र घरमा पहेंलो रंगका फूल राख्नुहोस् । 

मिथुनः चन्द्रमाको स्थिति लाभदायक हुनेछ । घरमा धेरै समय दिनुपर्ला । परिवारको लागि केही त्याग पनि गर्नुपर्ला । प्रेम सम्बनधको लागि राम्रो समय छ । दिन राम्रो रहनेछ । खुसी प्राप्त हुनेछ । सोचेका काम पूरा हुनेछन् । भविष्यमा हुने फाइदाको संकेत प्राप्त हुन सक्छ । तपाइँको कुनै सोख नै तपाइको लागि समस्याको कारण बन्न सक्छ सावधान रहनुहोला । सोखमा पैसा समय र उर्जा खर्च हुनेछ । 
के गर्नेः रातो पहेंलो रंगको पर्दा, बेडसिट वा टेबलपोस प्रयोग गर्नुहोला । 

कर्कट : पुराना समस्या सकिनेछन् । सन्तान र घरपरिवारको विषयमा सकारात्मक परिवर्तन हुन सक्छ । इष्टमित्रसँग महत्वपूर्ण सरसल्लाह हुन सक्छ । लगानीको योजना बन्न सक्छ । नयाँ सम्बन्धीसँग सम्बन्ध गहिरो हुनेछ । सकेजति लगानी गर्नुहोसर नक्षत्रले शुभफलको संकेत गरेका छन् । जीवनसाथीसँग भने मतभेद हुन सक्छ । साझेदार र परिवार सहयोगको लागि पछि हट्न सक्छन् । 
के गर्नेः रातो वा गुलाबी फूल घर र कार्यालयमा राख्नुस् । 

सिंहः बिना योजना ठूलो काम हुन सक्छ । सम्बनधमा अचानक ठूलो परिवर्तन आउन सक्छ । मनको कुरा खोल्ने र रिसाएकालाई फकाउने समय छ । मनमा उत्साह आउनेछ । रोजगारी बदल्ने सोचाइ पनि आउन सक्छ । आज आफ्नो लागि अवसर खोज्ने प्रयास गर्नुहोला । खर्च बढ्नेछ । फोनमा अफिसमा र बाहिर कुराकानीमा धेरै समय खर्च हुन सक्छ । सोचेका काम पूरा हुनै लाग्दा अचानक रोकिन सक्छ । साथीहरुसँग मनमुटाव हुन सक्छ । 
के गर्नेः सेतो वा पहेंलो फूलालाई बेसारपानीमा भिजाएर लक्ष्मी देवीलाई चढाउनुहोस् । 

कन्या : कामको योजना राम्रोसँग बनाउनुहोला । साथहिरुको सहयोग प्राप्त होला । पुराना मित्रसँग पनि भेटघाट हुनेछ । जीवनसाथीसँग घुमफिरमा जाने योग छ । अविवाहितलाई बिहे वा प्रेम प्रस्ताव आउन सक्छ । व्यवसाय बढ्नेछ । अचानक फाइदाको योग छ । आफ्नो हैसियतभन्दा बढी खर्च गर्ने मन हुन सक्छ । जोश र हतारमा काम गर्दा कठिन परिस्थितिमा फस्न सक्ने योग छ । सावधान रहनुहोला । 
के गर्नेः एउटा जवाकुसुम (घण्टीफूल) आफूसँग राख्नुहोस् ।

तुला :  भाग्यले साथ दिनेछ । रुकिएका काम छिटै पूरा हुन सक्छन् । लामो समयदेखि सोच बनाइएका काम गर्नुहोस्, लाभ हुनेछ ।  कुनै बोझबाट मुक्ति पाइनेछ । अचानक आय बढ्नेछ । अल्झिएको स्थिति सुल्झाउन सकिनेछ । धार्मिक कार्यमा मन जानेछ । काममा सावधानी अपनाउनुहोला । तपाइको विचारले उच्च अधिकारी रिसाउन सक्छन् । पारिवारिक झमेलाको सामना गर्नु पर्ला । नजानिँदो डर उब्जनेछ । 
के गर्नेः ५ सेता फूल नदी वा तलाउमा हाल्नुहोस् । 

बृश्चिकः चन्द्रमा भाग्यको घरमा रहनेछ । साथीहरुसँग मिलेर नयाँ र सकारात्मक काम गर्ने योग छ । जीवनसाथीसँग राम्रो समय बित्नेछ । अविवाहितलाई विवाह वा प्रेम प्रस्ताव आउन सक्छ । परिवारमा बैचारिक मतभेद सकिनेछन् । आफ्नै तारिफ नगर्नुहोला । काम गर्ने तरिकामा परिवर्तन नगर्नुहोस् । अदालती मामिलामा समस्या आउन सक्छ । विश्वास गरिएका व्यक्तिबाट धोका हुन सक्छ । 
के गर्नेः देवी मन्दिरमा मेहन्दी चढाउनुहोस् । 

धनुः करिअरमा परिवर्तन हुन सक्छ । यो षेत्रमा योजना पनि बनाउँदा वेस हुनेछ । स्थितिमा निकै सुधार हुनेछ । धन खर्च हुनेछ तर सही ठाउँमा खर्च हुँदा यो तपाइको लागि राम्रो पनि हुनेछ । नजिकका व्यक्तिको लागि केही त्याग गर्नुपरेमा संकोच नमान्नुहोला । जीवनसाथीसँग सुमधुर सम्बन्ध रहनेछ । कामकाज भन्दा योजना बनाउन धेरै समय लाग्नेछ । मेहनत धेरै गर्नु पर्नेछ । कामअनुसार लाभ नहोला । नयाँ काम गर्ने निर्णय नगर्दा राम्रो होला । 
के गर्नेः घर र कार्यालयमा पानी राख्ने ठाउँमा फूल पनि राख्नुहोस् । 

मकरः कसैलाई दिएको पैसा आज फिर्ता हुन सक्छ । नयाँ अवसर प्राप्त हुनेछन् । दैनिक काम सहजै पूरा हुनेछन् । विशेष व्यक्ति तपाइबाट प्रभावित हुनेछन् । कामबाट पदोन्नति पनि हुन सक्छ । दाम्पत्य जीवनमा सुख प्राप्त हुनेछ । वाहनसुख पनि प्राप्त हुनेछ । विवादमा समय बर्बाद हुन सक्छ । रिसका कारण काम बिग्रन सक्ने योग छ । 
के गर्नेः घर या कार्यालयको पूर्वतर्फको भित्तामा रातो फूल राख्नुहोस् । 

कुम्भः चिन्तित भएकाहरुलाई राहत मिल्नेछ । धनको बचत हुनेछ । सही समयमा सही ठाउँमा उपस्थित हुँदा रोकिएका काम अघि बढ्नेछन् । घर परिवार र छिमेकमा अप्ठ्यारो स्थिति आएमा सकारात्मक रहनुहोस् । बिहेको प्रस्ताव आउन सक्छ । दाम्पत्य जीवनमा सुख प्राप्त हुनेछ । खर्च बढ्नेछ । रोजगारीमा सफलता प्राप्त हुनेछ तर व्यवसायमा लाभ नहुन सक्छ । यात्रामा खर्च हुनेछ । 
के गर्नेः दक्षिण दिशामा पानमा घिउको दीप बाल्नुहोस् ।

मीनः अचानक धनलाभ हुन सक्छ । बनाएका योजनामा सफलता प्राप्त हुने योग छ । करिअरमा नयाँ अवसर प्राप्त हुनेछन् । पुराना रोगबाट छुटकारा पाइनेछ । बोलीले अरुलाई प्रभावित पार्न सकिनेछ । साथीभाइसँग समय बित्नेछ । कुनै झन्झटमा अल्झिने काम नगर्नुहोला । सामान्य घटनाले पनि ठूलो समस्या निम्त्याउन सक्छ । साथीले धोका दिन सक्छन् । तपाइमाथि झूटो आरोप लाग्न सक्छ । 
के गर्नेः घर वा कार्यालयमा फूलवाला रुम फ्रेशनर प्रयोग गर्नुहोस् । 
 

Leave a reply

HTML Tags are not supported

Post My Comment »