अन्तर्राष्ट्रिय नेपाली साहित्य समाजको दोस्रो अन्तर्राष्ट्रिय सम्मेलन अमेरिकामा

१ फाल्गुन २०७४

banner

अमेरिका । अमेरिकाको न्युह्याम्सायरमा अन्तर्राष्ट्रिय नेपाली साहित्य समाजको दोस्रो अन्तर्राष्ट्रिय अनेसास च्याप्टर सम्मेलन हुने भएको छ ।

सम्मेलन यही मे ११ देखि १३ सम्म अन्तर्राष्ट्रिय नेपाली साहित्य समाज न्युह्याम्सायर च्याप्टरको संयोजकत्वमा न्युह्याम्सायरमा रहेका बिभिन्न नेपाली संघ संस्थाहरुको आयोजनामा न्युह्याम्सायर, अमेरिकामा आयोजना हुने भएको हो ।

अन्तर्राष्ट्रिय नेपाली साहित्य समाज न्युह्याम्सायर च्याप्टरको अनुरोधमा केन्द्रीय कार्य समितिको हालै सम्पन्न बैठकले सो निर्णय गरेको हो ।

सो सम्मेलनमा अमेरिका लगायत विश्वभर रहेका अनेसासका च्याप्टरहरुबाट सहभागिता रहने र सम्मेलनमा दुइ बर्षको अबधिमा सर्बोत्कृष्ट कार्य गर्ने च्याप्टरलाई अनेसास रामलामा अनेसास सर्बोत्कृष्ट च्याप्टर पुरस्कार प्रदान गरिने छ । 

साथै अनेसासका च्याप्टरहरुबाट सम्पादित गतिविधिहरुको प्रगति प्रतिबेदन प्रस्तुत,अनेसासको संस्थागत विकासका सम्बन्धमा छलफल, अनेसास च्याप्टर पदाधिकारीहरुको नेतृत्व विकासका सम्बन्धमा छलफल,अनेसासको विधानमा रहेका च्याप्टरसम्बन्धी ब्यबस्थाहरुको बारेमा छलफल लगायत विश्व काब्य गोष्ठीको आयोजना समेत गरिने भएको छ ।

यस अघि प्रथम अन्तर्राष्ट्रिय अनेसास च्याप्टर सम्मेलन अन्तर्राष्ट्रिय नेपाली साहित्य समाज, लस् एन्जेलस् च्याप्टरको आयोजनामा मे, २०१६ मा सम्पन्न भएको थियो ।

सम्मेलनको आयोजनाबाट अनेसासको संस्थागत विकासमा महत्वपूर्ण योगदान पुग्ने विश्वास लिइएको छ ।

Leave a reply

HTML Tags are not supported

Post My Comment »