कालीमाटी फलफूल तथा तरकारी बजार समितिको यस्तो चेतावनी

१ फाल्गुन २०७४
banner

काठमाडौँ । कालीमाटी फलफूल तथा तरकारी बजार विकास समितिले नियमसम्मत ढंगले कारोवार नगर्ने व्यवसायीलाई कडा कार्वाही गर्ने चेतावनी दिएको छ ।

समितिका कार्यकारी निर्देशक तेजेन्द्रप्रसाद पौडेलले नियमसम्मत ढंगले कारोबार नगर्ने व्यवसायीलाई कडा कार्वाही गर्न बाध्य हुने चेतावनी दिए। उनले तोकिएको मूल्य अनुसार तरकारी तथा फलफूलको कारोबार गर्ने व्यवसायीलाई पुरस्कृत गर्दै लगिएको पनि स्मरण गराए। समितिले बजार सुधार अभियानलाई तीव्रता दिने प्रतिवद्धता पनि जनाएको छ । मंगलबार समितिको २४ औं वार्षिकउत्सव कार्यक्रममा बोल्दै कार्यकारी निर्देशक पौडेलले बजार सुधार अभियानमा सुधार ल्याउन फोहोरमैला व्यवस्थापन गर्न प्रधानमन्त्री कृषि कार्यक्रमसँग सहकार्य गरेर काम अघि बढाइएको पनि जानकारी दिए।

समितिले उत्कृष्ट ढंगले बजारमा तरकारी तथा फलफूल कारोबार गर्ने व्यवसायीलाई हरेक वर्ष पुरस्कृत गर्दै आएको छ । सरकारले आम उपभोक्तालाई ध्यानमा राखेर कालीमाटीमा फलफूल तथा तरकारी बजार आजभन्दा २४ वर्ष अघि नै संचालनमा ल्याएको हो। तरकारी तथा फलफूलको गुणस्तर मापन गर्न समितिले प्रयोगशालाको समेत स्थापना गरिसकेको छ।

ताजा भिडियो

प्रधानमन्त्री भर्सेज मुख्यमन्त्री । केन्द्र भर्सेज प्रदेश सरकार । संघीयता कार्यान्वयनमा असमझदारी ।

संसदमै लुट्न सके लुटको दोहोरीः सत्ता र प्रतिपक्ष सांसदले तलव दान गर्ने घोषणा । Lutna Sake Lut l

हामीलाई कुकुर भन्ने ? युवा संघ अध्यक्ष रमेश पौडेलको आक्रोश । Lutna Sake Lut l Pashupati Sharma l

सरकारको एक वर्ष : नेपाली कांग्रेसको समिक्षा । Nepali Congress ।