प्रदेश नम्बर ३ को स्थायी राजधानी भक्तपुरलाई बनाउन प्रस्ताव दर्ता

२७ चैत्र २०७४
banner

फाइल फाेटाे

भक्तपुर। प्रदेश नम्बर ३ को स्थायी राजधानी भक्तपुरलाई माग गर्दै आज प्रदेश सचिवालयमा प्रस्ताव दर्ता गरिएको छ। एमालेका प्रदेशसभा सदस्यद्वय शशिजंग थापा र हरिशरण लामिछानेले भक्तपुरलाई प्रदेश राजधानी बनाउने १० आधारसहित प्रस्ताव दर्ता गरेको प्रदेश सचिवालयले जानकारी दिएको छ। 

प्रदेशसभा सदस्य थापाले भक्तपुरलाई स्थायी राजधानी बनाउँदै ३ नम्बर प्रदेशका सबै जिल्लालाई पायक पर्ने र सहज हुने भएकाले प्रस्ताव दर्ता गरेको बताए।

प्रस्तावमा सानोठिमी भक्तपुरका शिक्षा मन्त्रालय मातहतका शिक्षा विभाग, शैक्षिक जनशक्ति विकास केन्द्रका भवनहरु, परीक्षा नियन्त्रण कार्यालय, अनौपचारिक शिक्षा केन्द्र लगायतका सुविधा सम्पन्न भवनहरु, सानोठिमीको कृषि विकास तालिम केन्द्रको भवनहरु, यहाँ रहेका २०० रोपनी भन्दा बढी खाली रहेको जग्गा रहेकाले यहाँ राजधानीको लागि उपयुक्त हुने तर्क राखिएको छ।

बैशाखदेखि रिक्त हुने यहाँका कार्यालयहरुमा मन्त्रालय, मन्त्री क्वार्टर, मुख्य मन्त्रीको कार्यालय, सभामुख, उपसभामुखको कार्यालय, निवास, संसद भवनका लागि उपयुक्त हुने संरचनाहरु रहेको जनाइएको छ। 

सुरक्षाको पूर्ण प्रत्याभूति रहेको, आवश्यक अन्य पर्याप्त जग्गाहरु रहेको, भौतिक संरचनाका लागि सरकारले तत्काल खर्च गर्नु पर्ने आवश्यकता नरहने र प्रदेश न. ३ को राजधानी भक्तपुर उपयुक्त भएको प्रतिवेदन समेत सरकारी टोलीले बुझाएको तर्क सहित प्रस्ताव गरिएको छ।  यसअघि काभ्रे र नुवाकोटका प्रदेशसभा सदस्यले पनि आफ्नो जिल्लालाई राजधानी बनाउन प्रस्ताव दर्ता गरेका थिए।
 

विशेष

ताजा भिडियो

प्रधानमन्त्रीको जवाफपछि गगन थापाको प्रतिकृया । Gagan Thapa's comment on PM KP Oli's Speech ।

प्रधानमन्त्री ओलीको सम्बोधन पछि कांग्रेसको ढ्याप ढ्याप, एमाले सांसदको आपत्ति । Samsad Baithak l

प्रधानमन्त्री ओली र गगन थापाकाे सवाल जवाफ ।PM Kp Oli vs Gagan Thapa ।

सांसद मिनेन्द्र रिजालको प्रश्न प्रधानमन्त्री ओलीलाई लाग्यो- 'अनौठो' l PM KP Oli VS Minendra Rijal l