७ नम्बर प्रदेश सरकारको नीति तथा कार्यक्रम पारित

३ बैशाख २०७५
banner

धनगढी । प्रदेश नं ७ को आज बसेको प्रदेशसभाको बैठकमा आव २०७४/०७५ को बाँकी अवधिका लागि ल्याइएको नीति तथा कार्यक्रम पारित भएको छ । 

बैठकमा सभामुख अर्जुनबहादुर थापाले प्रदेश प्रमुख मोहनराज मल्लद्वारा चैत २८ गतेको प्रदेशसभा बैठकमा गरेको सम्बोधनका लागि ‘यो बैठक प्रदेश प्रमुखमा धन्यवाद ज्ञापन गर्दछ’ भन्ने धन्यवादको प्रस्ताव निर्णयार्थ प्रस्तुत गर्दा सर्वसम्मतिले पारित गरिएको हो। 

यसअघि प्रदेश सरकारको नीति तथा कार्यक्रममाथि उठेका प्रश्नको जवाफ दिँदै मुख्यमन्त्री त्रिलोचन भट्टले साधनस्रोतको अभाव, नयाँ परिस्थिति र केन्द्रसँग समन्वय गरेर अघि बढ्नुपर्ने अवस्था रहेका परिप्रेक्ष्यमा सत्ता र प्रतिपक्ष सबैको सहयोगमा नीति तथा कार्यक्रम कार्यान्वयन गर्न सरकार पछि नपर्ने अठोट व्यक्त गरे।

नीति तथा कार्यक्रममाथि भएको छलफलका क्रममा अधिकांश सदस्यले उठाएको प्रश्नमा मुख्यमन्त्रीले प्रदेशको भारतसँग जोडिएका सीमा नाका व्यवस्थापन गर्न र नयाँ नाका खोल्नका लागि केन्द्र सरकारसँग समन्वय गरी पहल गरिने प्रतिबद्धता व्यक्त गरे।

प्रदेशसभाको अर्को बैठक सूचना प्रकाशन नभएसम्मका लागि स्थगन गरिएको छ। रासस
 

विशेष

ताजा भिडियो

प्रधानमन्त्रीको जवाफपछि गगन थापाको प्रतिकृया । Gagan Thapa's comment on PM KP Oli's Speech ।

प्रधानमन्त्री ओलीको सम्बोधन पछि कांग्रेसको ढ्याप ढ्याप, एमाले सांसदको आपत्ति । Samsad Baithak l

प्रधानमन्त्री ओली र गगन थापाकाे सवाल जवाफ ।PM Kp Oli vs Gagan Thapa ।

सांसद मिनेन्द्र रिजालको प्रश्न प्रधानमन्त्री ओलीलाई लाग्यो- 'अनौठो' l PM KP Oli VS Minendra Rijal l