मोदी जनकपुर आएकै बेला जनकपुरलाई भारतमा गाभ्न भारतीय सांसदको माग

२८ बैशाख २०७५
banner

काठमाडौं। भारतीय प्रधानमन्त्री नरेन्द्र मोदी नेपाल भ्रमणमा आएका बेला भारतीय सांसदले भने जनकपुर भारतको भूमि भएको भन्दै यसलाई भारतमै गाभ्न माग गरेका छन् । भारतको लोकसभाका सांसद कीर्ति आजादले जनकपुरधाम भारतको भएको भन्दै फिर्ता लिन प्रधानमन्त्री नरेन्द्र मोदीसँग माग गरेका हुन् । 

सांसद आजादले ट्वीटरमा लेखेका छन्, ‘आदरणीय नरेन्द्र मोदी जी, जनकपुरधाम मिथिलाको राजधानीमा यहाँलाई स्वागत छ, दुई सय वर्ष पहिले अंग्रेज र नेपालका बीचमा भएको सन्धि जसले मिथिलाको भाग नेपाललाई दिएको थियो समाप्त भएको छ। मिथिलाको यस भागलाई फिर्ता लिएर सीता माताको आदर गर्दै मिथिला राज्य घोषणा होस् ।’

उनले ट्वीटमा विहारका मुख्यमन्त्री नितिश कुमारलाई समेत मेन्सन गरेका छन् । उनको यो ट्वीटसँगै सामाजिक संजालमा नयाँ तरंग पैदा भएको छ । ट्वीटरमा नेपाली र भारतीयबीच विवाद बढ्न थालेको छ । यतिसम्म कि भारतीयहरुले जनकपुर आफ्नो भएको दावी गर्न लागका छन् । पहिले मोदीको पार्टी भाजपामै रहेका कीर्ति आजाद २०१५ मा भाजपाबाट निष्काशित भएका हुन् । उनी यसअघि बीजेपीकै तर्फबाट लोकसभा र विधानसभा सदस्य रहिसकेका छन् । 

विशेष

ताजा भिडियो

प्रधानमन्त्रीको जवाफपछि गगन थापाको प्रतिकृया । Gagan Thapa's comment on PM KP Oli's Speech ।

प्रधानमन्त्री ओलीको सम्बोधन पछि कांग्रेसको ढ्याप ढ्याप, एमाले सांसदको आपत्ति । Samsad Baithak l

प्रधानमन्त्री ओली र गगन थापाकाे सवाल जवाफ ।PM Kp Oli vs Gagan Thapa ।

सांसद मिनेन्द्र रिजालको प्रश्न प्रधानमन्त्री ओलीलाई लाग्यो- 'अनौठो' l PM KP Oli VS Minendra Rijal l