घोडेडाँडा भिरबाट लडेर एक शिक्षकको मृत्यु

२९ बैशाख २०७५

banner

त्रिपुराकोट, डोल्पा । डोल्पाको त्रिपुराकोटको एक विद्यालयका शिक्षकको भिरबाट लडेर मृत्यु भएको छ। 

त्रिपुरासुन्दरी नगरपालिका–५ घर भएका ३६ वर्षीय शिक्षक राजु रोकायाको शुक्रबार राति ९ बजे त्रिपुरासुन्दरी नगरपालिकाअन्तर्गत ल्हाँ र खदाङबीचमा पर्ने घोडेडाँडा भन्ने भिरबाट लडेर मृत्यु भएको प्रहरी चौकी त्रिपुराकोटले जनाएको छ। 

रोकाया त्रिपुरासुन्दरी नगरपालिका–५ स्थित मष्टा आधारभूत विद्यालयमा प्रावि तहका शिक्षक हुन्। 

त्रिपुरासुन्दरी नगरपालिकाको कार्यालयबाट फर्केर घरतर्फ जाँदै गर्दा घोडेडाँडा भिरबाट लडेर मृत्यु भएको बताइएको छ। 

आज बिहान मृतक रोकायाको प्रहरी मुचुल्कापछि परिवारले शव बुझेर लगेको बताइएको छ। 
 

Leave a reply

HTML Tags are not supported

Post My Comment »