बंगुरको मासुको विवादमा मुस्लिम सिपाही निकालिए

३१ बैशाख २०७५

banner

काठमाडौँ । सैन्य मेसमा बंगुरको मासु पाकेको भाँडोमा पकाइएको खाना नखाने एक मुस्लिम प्युठलाई नेपाली सेनाले जागिरबाट निकालेको छ । 

धार्मिक आस्था बचाउन दिएको राजीनामा अस्वीकृत गर्दै तालिममा खटाएको सेनाले पाँच महिनापछि तालिमकै अवधिमा ‘राजीनामा स्वीकृत भएको’ भन्दै उनलाई घर पठाएको छ।

१४ वर्षदेखि सेनामा कार्यरत मोहमम्द जाबिर खाँले सुंगुरको मासु पकाएको भाँडोमै पकाइएका परिकार खुवाएर आफ्नो धार्मिक आस्था बिटुल्याउन खोजेको भन्दै सैनिक मुख्यालय र राष्ट्रिय मानव अधिकार आयोगको क्षेत्रीय कार्यालय नेपालगन्जमा उजुरी दिएका छन्। दोषीहरूमाथि कारबाही हुनुपर्ने उनको माग छ । आजको नयाँ पत्रिका दैनिकले खबर छापेको छ। 

Leave a reply

HTML Tags are not supported

Post My Comment »