ओमनमा नवलपरासीका दुई युवा मिलेर संचालन गरे सुपर-मार्केट

२९ जेठ २०७५

banner

विनेश खनाल, मस्कट, ओमन। खाडी मुलुक ओमनको दक्षिणी क्षेत्र सललाहमा नेपाली युवाको लगानीमा सुपर–मार्केट संचालनमा आएको छ। ओमनमा नेपालीले संचालन गरेको यो पहिलो सुपर–मार्केट हो।

अहिलेसम्म नेपालीहरुले ओमनमा रेस्टुरेन्ट, हार्डवेयर पसल, मेनपावर कम्पनी, ब्युटीपार्लर लगायतका ब्यवसाय गर्दै आएका थिए। कमर्सियल सुपर मार्केट नाम रहेको उक्त सुपर मार्केटको हिजो सोमबार उदघाटन गरिएको थियो।

नवलपरासी देवचुली नगरपालिका ४ दुमकौलिका डिबि रानाभाट र देवचुली नगरपालिका १ केउरानिका ऋषिराम शर्मा मिलेर करिब ६५ लाखको लगानीमा उक्त सुपर–मार्केट संचालनमा ल्याएका हुन्। यो  सुपर–मार्केटमा घरायसी, खाद्यन, कस्मेटिक, ईलेक्टोनिक, बच्चाका खेलौना लगायतका सामानहरु गाह्रकले किन्न पाउनेछन्।

 

 

सललाह क्षेत्रमा करिव ८ हजार भन्दा बढी नेपाली कार्यरत रहेका छन्। संचालक डिवि राना भाटका अनुसार नेपालीहरु लाई पनि धेरै लक्षित गर्ने योजना छ। क्रमशः नेपालीहरुको माग अनुसारको समान राखिने छ।

सोमबार उद्घाटन समारोहमा गैर–आवसिय नेपाली सोसल क्लब सललाह क्षेत्रका अध्यक्ष टिका दाहाल, एनआरएनए सललाहका प्रतिनिधि महेन्द्र संडौला लगायत सललाह क्षेत्रमा रहेका थुप्रै नेपालीको उपस्थिति रहेको थियो। उपस्थित भएका सवैले प्रवासमा नेपालीहरुले सुपर( मार्केट खोल्दा आफुहरुलाई खुशी लागेको बताउदै नेपाली समुदाय लाई धेरै कुरामा सहज हुने आशा गरेका छन्।

अहिले सुपर–मार्केटमा मिलेर लगानी गरेका डिबि रानाभाटले ३ वर्ष अगाडिदेखि ब्युटि पार्लर पनि संचालन गर्दै आएका थिए। उनको पार्लर श्रीमतिले हेर्ने गर्छिन्।

Leave a reply

HTML Tags are not supported

Post My Comment »