नजिता उल्टाउँदै क्रोएसिया फाइनलमा, झण्डा फहराएर खुशीयाली मनाउँदै सकर्थक

२८ अषाढ २०७५
banner

बीबीसी । मस्कोमा सम्पन्न सेमिफाइनल अन्तर्गत थप गरिएको समय इङ्ग्ल्यान्डलाई हराएपछि क्रोएशिया पहिलोपटक विश्वकप फुटबलको फाइनलमा पुगेको छ।

खेलको पाँचौ मिनेटमा गोल गरेको इङ्ग्ल्यान्डले १ घण्टा भन्दा लामो समयसम्म अग्रता लिएको थियो।

त्यसपछि खेललाई बराबरीमा पुर्‍याएको क्रोएशियाले निर्धारित ९० मिनेटपछि थप गरिएको अतिरिक्त समयमा गोल गर्दै १ का विरुद्ध २ गोलले इङ्ग्ल्यान्डलाई हराएको हो।

अब क्रोएशियाले आइतवार हुने फाइनलमा फ्रान्सको सामना गर्नेछ। क्रोएशियाका प्रशंसकहरूले आफ्नो देश विश्वकपको फाइनलमा प्रवेश गरेसँगै ठूला सहरहरूका गल्ली र चोकहरूमा झण्डा फहराएर खुशीयाली मनाएका छन्।

इङ्ग्ल्यान्डले अब तेस्रो वा चौथो स्थानका लागि शनिबार बेल्जियमसँग खेल्नेछ। इङ्ग्ल्यान्ड यो समेत गरी सेमिफाइनलमा पुगेर चौथोपटक हारेको हो।

पाँचौपटकसम्म विश्वकप खेलेको क्रोएशियाले भने पहिलोपटक आफूलाई विश्वकपको अन्तिम दुईमा पुर्याएको हो।

यसअघि क्रोएशिया सन् १९९८ को विश्वकपको सेमिफाइनलमा फ्रान्ससँग नै पराजित भएको थियो।

उक्त विश्वकपको उपाधि फ्रान्सले जितेको थियो र त्यसबेला नेदरलेण्डसलाई हराउँदै क्रोएशिया तेश्रो बनेको थियो।

२० वर्षपछि सन् १९९८ मा बेहोरेको हारको फ्रान्ससँग बदला लिने अवसर क्रोएशियाले पाएको छ।

ताजा भिडियो

होली खेल्नेबीचको लडाँइ, बनेपा । Holi Banepa l

लयमा लालबाबु, राेकिएन तालीकाे पर्रा ll Lalbabu Pandit ll

झापाबाटः प्रधानमन्त्री ओली र सरकारबारे दमकका मतदाताको घतलाग्दो र रोचक प्रतिकृया । PM KP Oli l

राजमार्गको दृश्य । विर्तामोड र दमकको बीचमा भएको दुर्घटना पछि क्षतबिक्षत गाडी तानिँदै ।