सीमामा हुने आपराधिक गतिविधि रोक्न नेपाल-भारत सहमत

२८ अषाढ २०७५
banner

दार्चुला । सीमा क्षेत्रमा हुने विभिन्न किसिमका आपराधिक गतिविधिलाई न्यूनीकरण गर्न नेपाल र भारतका सुरक्षा अधिकारी सहमत भएका छन्।

खलंगामा आज भएको नेपाल–भारत सीमा सुरक्षा समन्वय बैठकमा दुई देशका सुरक्षा अधिकारीबीच उक्त विषयमा सहमत भएको बैठकपछि दार्चुलाका प्रमुख जिल्ला अधिकारी खुमकान्त आचार्यले बताए।

बैठकमा सीमा क्षेत्रमा हुने मानव बेचबिखनका घटनालाई न्यूनीकरण गर्ने विषयमा पनि सहमति भएको उनले बताए। विपद्का बेला दुई देशका सुरक्षाकर्मी मिलेर खोज तथा उद्धार गर्ने बारेमा समेत दुबै देशका सुरक्षा अधिकारीबीच सहमति भएको प्रजिअ आचार्यको भनाइ छ।

दार्चुला जिल्ला त्रिदेशीय रुपले खुल्ला सीमा नाका भएकाले सीमा नाकामा हुन सक्ने अवैध वन्यजन्तुका अंग चोरी तस्करी नियन्त्रण, काठ तस्करी नियन्त्रण, मानव बेचबिखनको न्यूनीकरण गर्ने विषयमा बैठकमा सहमती भएको उनले बताए।

त्यस्तै नेपालको बंगाबगड पारी भारतको खोलीलाबाट महाकालीमा खसेको पहिरोलाई तत्काल हटाउने, महाकाली नदीमा बनाइएको झोलुङ्गे पुल खुल्ने र बन्द हुने समयका विषयमा परिस्थितिअनुसार खुलाउने तथा बन्द गर्ने बारेमा सहमति भएको प्रजिअ आचार्यले बताए।

बैठकमा नेपालको तर्फबाट १३ तथा भारतको तर्फबाट ११ वटा एजेण्डा प्रस्तुत भएको थियो। नेपालका तर्फबाट दार्चुलाका प्रमुख जिल्ला अधिकारी खुमकान्त आचार्य र भारतका तर्फवाट सिमावर्ती भारतीय जिल्ला पिथौरागढका अधिकारी सि रविशंकरले नेतृत्व गरेका थिए।

बैठकमा बैतडीका प्रमुख जिल्ला अधिकारी सिद्धराज जोशीको पनि सहभागिता थियो।

ताजा भिडियो

छ्या ! बस पार्कको दृश्य । Kathmandu Buspark l DC Road Show- EP-1 l

म भनेर हाेईन गरेर देखाउछु : प्रधानमन्त्री ओली || Pm Kp Sharma Oli ||

जनकपुरमा रेल । Rail in Janakpur l

विप्लवलाई ओलीकाे कडा चेतावनी : जेल जान तयार हुनुस् | Kp Sharma Oli | Netra Bikram Chand |