कविता- 'किन जान्छौ विदेश'

१३ श्रावण २०७५
banner

            कविता

यही छ पहाड यही छ मधेश
वीर नेपाली किन जान्छौ विदेश
यही छ हिमाल यही छ बेसी
हे देशभक्त किन हुन्छौ विदेशी

जीवन आखिरमा हो दुई दिन
नतिरिकन आमाको दुधको ऋण    
छोडेर जन्मे हुर्केको प्यारो देश
त्यागेर पहिचान फेरेर भेष
अर्काको देशमा पसिना चुहाउन
दु:ख र एक्लोपनले मन रूवाउन
जवानीलाई बुढ्याइ फुलाउन केश
प्यारा सन्तान किन जान्छौ विदेश

नेपाल हाम्रो घर नेपाली परिवार
जात-जाति संस्कृति सभ्य संस्कार
बुद्ध र सीता जन्मेको पवित्र भूमि
विर्सेर स्वाभिमान पैसालाई चुमी
नढाँटी भन, छ त मनमा सन्तोष
देशबाट दूर कति हो कति कोस
जाँगर जोश उतै मारी खै र ऐश
आफन्त छोडि किन जान्छौ विदेश

इन्जिनियर राकेश कार्की
लस एन्जेलस

 

ताजा भिडियो

टुडिखेलमा प्रधानमन्त्रीको सम्बोधन र मञ्चका दृश्यः सन्दर्भ प्रजातन्त्र दिवस । PM KP Oli Speech .

संघीयता कार्यान्वयनमा असमझदारी: केन्द्र भर्सेज प्रदेश सरकार ।

संसदमै लुट्न सके लुटको दोहोरीः सत्ता र प्रतिपक्ष सांसदले तलव दान गर्ने घोषणा । Lutna Sake Lut l

हामीलाई कुकुर भन्ने ? युवा संघ अध्यक्ष रमेश पौडेलको आक्रोश । Lutna Sake Lut l Pashupati Sharma l