‘लौन लेख्दिनुपर्यो ! एककप चियासमेत खान पाएनौँ !!’

२५ श्रावण २०७५
banner

भक्तपुर। ‘लौन तपाईहरुले केही लेखिदिनुपर्यो! चियासमेत खान पाएनौँ! साउनको तलब कसरी खाने हो समस्यै छ। चेकमा कस्ले हस्ताक्षर गर्ने पत्तो छैन।’

यो अनुनय विनय हो शिक्षा तथा मानव स्रोत विकास केन्द्रका कर्मचारीको। बजेटको व्यवस्था नहुदा आफूहरूले सबै अधिकार गुमाएको महसुस गर्नुपरेको उनीहरूको गुनासो छ। ‘एक चियासमेत खान पाएका छैनौँ अन्य भैपरी आउने आर्थिक समस्या कसरी टार्ने हो?’–एकजना कर्मचारीले निन्यारो मुख लगाएर भने –हामी साना कर्मचारीले मात्र हैन हाकिमहरुले पनि गाडीमा तेल हाल्न पाएका छैनन्।

त्यसो कतिपय कर्मचारी हाकिमको पनि आलोचना गर्छन्–‘चेक नै नचलेपछि कसरी काम गर्ने? यति धेरै कर्मचारीको विचल्ली हुँदा हाकिमलाई मतलब छैन।’

कस्तो मन्त्रालय ? न काम दिन्छ न त कतै व्यवस्थापन नै गर्नसकेको छ। तीन निकाय समायोजन गरेर झण्डै तीन साताअघि गठित शिक्षा मन्त्रालयपछिको मुख्य र ठुलो शिक्षा तथा मानव स्रोत विकास केन्द्रको हविगत यस्तो छ। केन्द्रमा १ सय ९३ दरबन्दी भएकोमा तीन वटा निकाय समायोजन गरिएपछि १ सय १ जना कर्मचारी नया निकायमा बस्ने भएका हुन्। बाँकी कर्मचारीका विषयमा कुनै गृहकार्य गरिएको छैन।

कर्मचारीको विचल्ली छ, कस्ले के काम गर्ने टुंगो लाग्न सकेको छैन। ५८ जना उपसचिव दुई महिनादेखि हाजिर गर्दै फर्कदै गरेका छन्। बाकी रहेका ४३ मध्य १७ उपसचिवलाई जिम्मेवारी दिइए पनि उनीहरू १२ बजे नै घर फर्किसकेका हुन्छन्। ‘काम नै छैन के गर्ने ? हाजिर ग¥यो टाप कस्यो। ’–एकजना उपसचिवको गुनासो हो यो । उनी थप्छन्–हाम्रो त पद कहाँ छ, थाहा छैन, कुनै कामको जिम्मेवारी दिइएको छैन। पद र जिम्मेवारी नै नभएपछि कहा बसेर कसरी काम गर्ने?’

चार सहसचिवहरू खगेन्द्र नेपाल, टेकनारायण पाण्डे, दीपक शर्मा र चुडामणी पौडेललाई उपमहानिर्देशक तोकिएको छ । तर कुनै ठोस जिम्मेवारी दिइएको छैन । तर शिक्षा मन्त्रालयका प्रवक्ता वैकुण्ठ अर्याल केन्द्रले आन्तरिक रुपमा व्यवस्थापन गर्नुपर्ने बताउँदै भन्छन् केही समस्या भएको होला, समाधान गर्ने पक्षमा रहेका छौ।

संक्रमणकालिन अवस्थामा केही समस्या भएको स्विकार्दै केन्द्रका महानिर्देशक वावुराम पौडेल पनि केही दिनमै समस्या समाधान हुने दावी गर्छन्। उनी कर्मचारी र अन्य विषयमा व्यवस्थापन गरिरहेको जिकीर गर्छन्। नेपाल समाचारपत्र दैनिक

ताजा भिडियो

गुठी विवादबारे प्रधानमन्त्रीले एयरपोर्टमा के भने ? PM KP Oli Speech in Airport l Guthi l

गुठी विवादले तात्यो संसद । Samsad | Birodh Khatiwada |

आगो भए गगन थापा । संसदमा गुठी विधेयकको चर्काचर्की । Gagan Thapa l Samsad Baithak l

गुठी विधेयकः सरकारका प्रवक्ताको अभिव्यक्ति आगोमा घिउ । Guthi l Gokul Baskota l