आजको राशिफल - मिति २०७४ साल जेठ ४ गते सप्तमी तिथि बिहीबार

३ जेठ २०७४

banner

मेष - चु, चे, चो, ला, लि, लु, ले, लो, अ (Aries)
मिहिनेत गर्दा जीवनशैलीमा परिवर्तन आउनेछ। प्रतिष्ठित काम गर्ने अवसर जुट्नेछ। राम्रो कर्मफल प्राप्त हुनाले मन प्रसन्न रहनेछ। लगनशीलताले कीर्तिमानी दिलाउन सक्छ। सामाजिक क्षेत्रमा नेतृत्व हातलागी हुनेछ। व्यापारमा पनि राम्रै फाइदा हुनेछ। विशिष्ट व्यक्तिको सहयोग जुटाउन सकिनेछ। अरूलाई प्रभावित पारेर दाम, इनाम र प्रतिष्ठा कमाउने बेला छ।
 
बृष - इ, उ, ए, ओ, बा, बि, बु, बे, बो (Taurus)
कामको चापले जीवनशैली व्यस्त रहनेछ। बाध्यतामा अलमलिनुपर्दा चिताएको काम रोकिएला। गरी आएको कामलाई निरन्तरता दिन सकिनेछ। नयाँ काम गर्न समय पर्खनुहोला। परिस्थिति अनुकूल रहे पनि अरूका लागि बुद्धि खर्चनुपर्नेछ। उपलब्धिविहीन काममा समय बित्नेछ। आश्वासन बाँड्नेहरूले झुक्याउनेछन् भने पहिलेका सहयोगीहरू पछि हट्न सक्छन्।
 
मिथुन - का, कि, कु, घ, ङ, छ, के, को, ह (Gemini)
समयमै गम्भीर नबन्दा समस्या थपिन सक्छ। इष्टमित्र पनि टाढिन सक्छन्। हुलमुलमा धनमाल गुम्न सक्छ। खर्च बढ्नुका साथै अर्थ अभाव महसुस हुनेछ। अवसरको खोजीमा दौडधुप गर्नुपर्ला। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। तापनि बिग्रिएको काममा दोहोर्याएर प्रयत्न गर्दा फाइदा उठाउन सकिनेछ। उपचारमा खर्च हुने समय छ।
 
कर्कट - हि, हु, हे, हो, डा, डि, डु, डे, डो (Cancer)
परिस्थिति अनुकूल रहे पनि जीवनशैली व्यस्त रहला। भौतिक सुविधाले खर्च निम्त्याउन सक्छ। आक्षेप लगाउनेहरूले दु:ख देलान्। बोली–व्यवहारमा संयम रहँदै शुभचिन्तकहरूको भावना बुझ्ने चेष्टा गर्नुहोला। सुखदुःखमा साथ दिनेहरू थोरै हुनेछन्। तापनि प्रेम र मित्रताको बन्धन कसिनेछ भने दाम्पत्यमा रमाउने समय छ। निम्तो आए पनि आतिथ्य खर्चिलो बन्ने देखिन्छ।
 
सिंह - मा, मि, मु, मे, मो, टा, टि, टु, टे (Leo)
मिहिनेतले प्रतिस्पर्धाको दौड जिताउन सक्छ। बल तथा बुद्धिको उपयोगले अधिकार र प्रतिष्ठा जोगाउन सफल भइनेछ। रकम तथा भौतिक साधन जुट्नाले दिन उत्साहजनक रहनेछ। दिगो फाइदा हुने काम प्रारम्भ हुन सक्छ। परिस्थितिसँग सम्झौता गर्नुपरे पनि प्रयत्न गर्दा लक्ष्यमा पुग्न सकिनेछ। शत्रुभाव राख्नेहरू स्वयम् परास्त हुनेछन्। लामो यात्राको प्रक्रिया अघि बढ्नेछ।
 
कन्या - टो, प, पि, पु, ष, ण, ठ, पे, पो (Virgo)
अवसरले पछ्याए पनि कर्मगतिले पछि पार्न सक्छ। बौद्धिक व्यक्तित्वसँग प्रतिस्पर्धामा उत्रनुपर्ला। अध्ययनमा त्यति समय दिन नसकिएला। प्रतीक्षा गरिएको नतिजा सकारात्मक नहुन सक्छ। पहिलेका सहयोगीहरूले साथ दिन छाड्नेछन् भने अस्वस्थताले कमजोरी महसुस हुनेछ। व्यवसायमा सोचेको फाइदा नउठ्न सक्छ। गुरुजनको मार्गदर्शन लाभदायक रहनेछ।
 
तुला - र, रि, रु, रे, रो, ता, ति, तु, ते (Libra)
साझेदारीमा देखिने समस्याले पहिलेको सम्झौता भंग हुन सक्छ। पशु र कृषिबाट सोचेको लाभ नउठ्न सक्छ। अरूको फाइदाका लागि उपयोग भइएला। काम बिग्रने डरले सताइरहनेछ। बेसुरमा वचन दिनाले दुःख पाइनेछ। साथीभाइले साथ नदिन सक्छन्। परिवारमा आमाको माध्यमबाट काम बनाउन सकिनेछ। पशुधन र जमिनबाट सामान्य लाभ उठाउन सकिनेछ।
 
बृश्चिक - तो, ना, नि, नु, ने, नो, या, यि, यु (Scorpio)
साहसी काम गरेर अरूको मन जित्न सकिनेछ। प्रतिपक्षीहरू समेत सहयोगी बन्नेछन्। कामको उच्च मूल्यांकन हुनेछ भने लगनशीलताले विभिन्न अवसर दिलाउन सक्छ। रोकिएका काम बन्नुका साथै नयाँ काम प्रारम्भ हुनेछ। व्यावसायिक काममा राम्रै फड्को मार्न सकिनेछ। व्यापारमा पनि प्रशस्त फाइदा हुनेछ। मिहिनेतले जीवनशैलीमा परिवर्तन ल्याउन सक्छ।
 
धनु - ये, यो, भ, भि, भु, ध, फा, ढ, भे (Sagittarius)
हल्लाको भर पर्दा दु:ख पाइनेछ। अर्थ अभावले सताउन सक्छ। अरूका लागि बुद्धि र श्रम खर्चनुपर्ने स्थिति आउन सक्छ। नियमलाई बेवास्ता गर्दा चुनौती आइलाग्नेछन्। मिहिनेत परे पनि चिताएको मूल्य प्राप्त नहुन सक्छ। ईर्ष्या गर्नेहरूले सताउनेछन् भने पहिलेकै काम दोहोर्याउनुपर्ने स्थिति आउन सक्छ। समयको मागअनुसार चल्न नसक्दा पछि परिनेछ।
 
मकर - भो, ज, जि, खि, खु, खे, खो, गा, गि (Capricorn)
विछोडिएका परिवारजनसँग भेटघाट हुनेछ। रमाइलो जमघटले आनन्द प्राप्त हुनेछ। तर काममा आश्वासन दिनेहरूले झुक्याउन सक्छन्। स्वास्थ्यका लागि खानपानमा सचेत रहनुपर्ला। भेटघाटमा अलमलिनाले काममा बाधा पुग्नेछ। पहिलेको योजना अनिश्चित बन्नेछ भने नयाँ काममा अन्योल बढ्न सक्छ। तापनि पारिवारिक सहयोगले केही समस्या सुल्झाउन सकिनेछ।
 
कुम्भ - गु, गे, गो, सा, सि, सु, से, सो, द (Aquarius)
अवसरको खोजीमा केही दौडधुप गर्नुपर्ला। धेरै लगानी गर्दा थोरै फाइदा हुनेछ। बेलामा होस नपुर्याउँदा केही अप्ठ्यारा चुनौती आउन सक्छन्। फाइदाका पछि लाग्दा आफ्नै धनमाल गुम्न सक्छ। साथीभाइसँग पनि असमझदारी बढ्न सक्छ। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। खर्च बढ्नुका साथै आर्थिक अभाव देखा पर्ने समय छ।
 
मीन - दि, दु, थ, झ, ञ, दे, दो, च, चि (Pisces)
मिहिनेतको राम्रो परिणाम प्राप्त हुनेछ। तारिफयोग्य काम सम्पादन गर्दै मनग्गे धन आर्जन गर्न सकिनेछ। आँटले काम सम्पादन हुनेछ। प्रतीक्षित नतिजाले उत्साह जगाउनेछ। थोरै लगानीबाट पनि नाफा उठाउन सकिनेछ। विभिन्न भौतिक साधन जुट्नेछन् भने दिगो फाइदा हुने काम प्रारम्भ गर्ने समय छ। अप्ठ्यारा परिस्थितिलाई समेत सहज बनाउन सकिनेछ। (फलितज्योतिषाचार्य: उपप्रा. लक्ष्मीप्रसाद बराल, नेपाली पात्रो)

Leave a reply

HTML Tags are not supported

Post My Comment »