उद्यमशीलताबाट मात्रै समृद्धि : अध्यक्ष तिमिल्सिना

२९ पौष २०७५
banner

पर्वत । राष्ट्रियसभाका अध्यक्ष गणेश तिमिल्सिनाले उद्यमशीलताले मात्रै समृद्धि हासिल गर्न सक्ने बताएका छन् ।  

पर्वत उद्योग वाणिज्य सङ्घको ३६औँ साधारणसभामा उनले भने, “उद्यमशीलताले मात्रै रोजगारी र आर्थिक अवसर सिर्जना गर्ने हुँदा यसको विकासमा सम्बन्धीत सबै पक्ष सक्रियताका साथ लाग्नुपर्छ ।” 

“देश विकासको नयाँ युगमा प्रवेश गर्दैछ”, अध्यक्ष तिमिल्सिनाले भने, “देश विकासका लागि हरेक क्षेत्रमा उद्यमशीलतको विकास हुन जरुरी छ ।”

उनले सङ्घीय संसद्ले फागुन २१ सम्म सबै कानून निर्माणको काम सक्ने उल्लेख गर्दै ऐन बनेपछि सबै क्षेत्रमा काम गर्न सहज वातावरण निर्माण हुने विश्वास व्यक्त गरे। 

गण्डकी प्रदेशका उद्योग, पर्यटन, वन तथा वातावरणमन्त्री विकास लम्सालले प्रदेशका ८५ वटै तहमा औद्योगिक ग्राम बनाउने तयारी भएको बताउँदै उद्योगमा लगानी बढाउन निजी क्षेत्रलाई आग्रह गरे । 

पोखरापछि पर्यटनको इपी सेन्टरका रुपमा पर्वतको कुस्मालाई विकास गर्ने लक्ष्य लिइएको र पोखरा आउने पर्यटकलाई पर्वतसम्म आउने वातावरण बनाउन सरकारले ठूला योजना बनाउँदै गरेको पनि उनले जानकारी दिए । 

प्रतिनिधिसभा सदस्य पद्म गिरीले सरकारले आठ प्रतिशतको आर्थिक वृद्धिको लक्ष्य हासिल हुनेगरी काम गरिरहेको हुँदा विरोधीले दुई÷चार दिन गर्ने हल्लाको कुनै औचित्य नहुँने बताए । 

नेपाल उद्योग वाणिज्य महासङ्घका उपाध्यक्ष चन्द्र ढकालले सरकारले निजी क्षेत्रसँग सहकार्य गर्न सक्ने गरी नीति तथा कार्यक्रम ल्याउन आग्रह गर्दै गण्डकी प्रदेशमा ठूला उद्योग सञ्चालन गर्न निजी क्षेत्र इच्छुक रहेकाले त्यसका लागि वातावरण बनाउन सबै तहका सरकारले काम गर्नुपर्ने बताए । 

विशेष

ताजा भिडियो

रवि लामिछाने र निकिता पौडेलको कानुनी विवाह । Rabi Lamichhane and Nikita Poudel's Court Marriage l

आयूष्मान र प्रियंकाको प्रेम–दिवस | Priyanka Karki | Aayushman DeshRaj Joshi |

किस सिनको बारेमा प्रश्न गर्दा आशिरमानकी आमाको कडा जवाफ |

संसदमा कांग्रेस नेता विजय गच्छदारको गर्जनः ओलीजी हिम्मत छ ? । Bijaya Gachhadar l Samsad Baithak l