भयानक बस दुर्घटना, कम्तिमा ५२ जनाको मृत्यु

२६ भाद्र २०७५

banner

नयाँदिल्ली । भारतको तेलंगनामा भएको बस दुर्घटनामा कम्तिमा पनि ५२ जनाको मृत्यु भएको छ । तेलंगनाको जगतियाल जिल्लामा मंगलबार राज्य परिवहन निगमको बस एक भीरमा खसेको भारतीय सञ्चारमाध्यमले जनाएका छन् । 

घटनामा अन्य १८ जना घाइते भएका छन् । मृतक मध्ये २० महिला र ४ बालबालिका रहेका छन् । प्रहरीका अनुसार बस कोंडागडुको पहाडमा रहेको आन्जनेय स्वामीको मन्दिरबाट फर्कँदै गर्दा बस दुर्घटनामा परेको हो ।

दुघटर्ना स्थल तेलंगनाको राजधानी हैदरवादबाट करिब १९० किलोमिटरको दुरी रहेको बताइएको छ । कोंडागडु घाटमा बस भीरबाट खसेको थियो । बसमा ७० जना यात्रु रहेका थिए । स्पीड ब्रेकरमा ड्राइभरले नियन्त्रण गुमाएरपछि यो दुर्घटना भएको बताइएको छ । 

मृतकको संख्या बढ्न सक्ने बताइएको छ । घाइते मध्ये धरैको अवस्था नाजुक रहेको बताइएको छ । तेलंगनाका मुख्यमन्त्री चन्द्रशेखर रावले मृतकका परिवारलाई ५ लाख रुपैयाँ राहत दिने घोषणा गरेका छन् । 
 

Leave a reply

HTML Tags are not supported

Post My Comment »