तनावका बिच भारत र पाकिस्तानबीच वार्ता

३० फाल्गुन २०७५
banner

नयाँ दिल्ली । जम्मू कश्मीरको पुलवामा आक्रमणपछि तनावपूर्ण सम्बन्ध रहेका बेला भारत र पाकिस्तानबीच बिहीबार वार्ता भएको छ । यो वार्तालाई दुईदेश स्तरीय वार्ता नभनिए पनि सीमा क्षेत्रमा गोली हानाहान भइरहेका बेला भारतको अमृतसरमा दुईदेशका प्रतिनिधिबीच भएको कुराकानीलाई महत्वपूर्ण मानिएको छ । 

करतारपुर करिडोरका विषयमा बिहीबार अटारी सीमामा दुईदेशका अधिकारीबीत वार्ता भएको भारतीय सञ्चारमाध्यमहरुले जनाएका छन् । यो एक प्रकारको धार्मिक वार्ता हो । 

वार्ताक्रममा भारतले करतारपुरस्थित शिख धर्मालम्बीहरुको पवित्र स्थलमा जानका लागि पाकिस्तानले भिजा प्रक्रियामा सहजा गर्नुपर्ने प्रस्ताव राखेको छ । पाकिस्तानमा रहेको सो शिख धर्मावलम्बीहरुको पवित्र स्थलमा भारतीय शिखहरुलाई सहज प्रवेशका लागि भारतले प्रस्ताव राखेको जनाइएको छ । 

भारतीय विदेश मन्त्रालयले यो वार्ता श्रद्धा र सुविधाका लागिमात्र भएको भन्दै कुनै कुटनीतिक वार्ता नभएको जनाएको छ । तर, पनि सीमामा गोली चलिरहेका बेला भएको यो वार्ताले दुईदेशलाई शान्ति वार्तामा फर्काउन सहयोगी बन्ने विश्लेषण गरिएको छ । 

आगामी वैठक २ अप्रिलमा बाघा सीमामा हुनेछ । भारतीय गृहमन्त्रालयका अधिकारीहरुले यो वार्तामा विना भिजा प्रवेशको प्रस्ताव भारतले राखेको बताएका छन् । तर, पाकिस्तानी पक्षबाट यसबारे के प्रतिक्रिया आयो भन्ने विषयमा भने भारतीय सञ्चारमाध्यमहरुले उल्लेख गरेका छैनन् । 

वार्ताका क्रममा पाकिस्तानी उप उच्च आयुक्त हैदर शाहले करतारपुर करिडोर खुला गर्न चाहेको बताए । उनले भारतीय शिखहरु पाकिस्तान पुग्न सजिलो बनाउन यो करिडोर खुला गर्नुपर्ने बताए । 

 गएको नोभेम्बरमा पाकिस्तान र भारतले आ आफ्नोतर्फ करिडोर निर्माणको शिलान्यास गरेका सथए ।

ताजा भिडियो

संसदमा रामनारायण विडारी : के अब नारा नै लगाउन पर्ने हाे ? Ram Narayan Bidari || Samsad Baithak ||

के भन्छन् सिके राउतका राइट हेन्ड ? Chandan Shingh l CK Raut l

भ्रममा को ? सिके राउत कि कार्यकर्ता ? CK Raut l

सिके राउतका कार्यकर्ताले अझै छाडेनन् स्वतन्त्र मधेशको नारा | CK Raut | Janmat Party |