माघमा मदन भण्डारी अन्तर्राष्ट्रिय फुटबल टुर्नामेन्ट हुने

२९ भाद्र २०७५
banner

काठमाडौं। आगामी माघ ७ गतेदेखि १९ गतेसम्म काठमाडौंको दशरथ रंगशालामा मदन भण्डारी अन्तर्राष्ट्रिय फुटबल टुर्नामेन्ट हुने भएको छ । मदन भण्डारी स्कोर्टस एकेडेमीको आयोजनामा हुने टुर्नामेन्टमा ४ विदेशी टिमसहित नेपालको राष्ट्रिय टिमलाई नेपाल रातो र नेपाल नीलो गरी दुई टिममा विभाजन गरी कूल ६ टिम सहभागी हुनेछन् । 

एकेडेमीले आज गरेको पत्रकार सम्मेलनमा यो प्रतियोगिता फिफाको अन्तर्राष्ट्रिय मान्यता प्राप्त प्रतियोगिता हुने जानकारी दिइयो । अन्तर्राष्ट्रिय मान्यताका लागि एकेडेमीले अखिल नेपाल फुटबल संघ (एन्फा)मार्फत एएफसी र फिफामा पत्राचार गरिने जनाएको छ । ६ टिमलाई २ समूहमा विभाजन गरी सुरुमा लिग खेल हुनेछ । दुवै समूहबाट उत्कृष्ट २ टोली सेमिफाइनल प्रवेश गर्नेछन् । सेमिफाइनल र फाइनल भने नकआउट हुनेछन् । 

प्रतियोगितामा प्रथम हुने टिमलाई २५ हजार अमेरिकी डलर र द्वितीय हुने टिमलाई १० हजार अमेरिकी डलर पुरस्कार प्रदान गरिनेछ । यसबाहेक उत्कृष्ट गोलकिपर, डिफेण्डर, मिडफिल्डर, फरवार्ड र कोचलाई जनही १ हजार अमेरिकी डलर पुरस्कार प्रदान गरिनेछ । प्रतियोगितामा सहभागी हुनको लागि दक्षिण कोरिया, भारत, बंगलादेश, भुटान, थाइल्याण्ड  चीनका फुटबल बोर्डहरुलाई पत्राचार गरिरहेको र यसको समन्वय एन्फाले गरिरहेको एकेडेमीले जानकारी दिएको छ । 

ताजा भिडियो

प्रधानमन्त्री भर्सेज मुख्यमन्त्री । केन्द्र भर्सेज प्रदेश सरकार । संघीयता कार्यान्वयनमा असमझदारी ।

संसदमै लुट्न सके लुटको दोहोरीः सत्ता र प्रतिपक्ष सांसदले तलव दान गर्ने घोषणा । Lutna Sake Lut l

हामीलाई कुकुर भन्ने ? युवा संघ अध्यक्ष रमेश पौडेलको आक्रोश । Lutna Sake Lut l Pashupati Sharma l

सरकारको एक वर्ष : नेपाली कांग्रेसको समिक्षा । Nepali Congress ।