दार्चुलामा सेफ्टी ट्याङ्कीमा खसेर ४ बालबालिकाको मृत्यु

२८ जेठ २०७६
banner

प्रतिनिधिमुलक तस्विर

दार्चुला । दार्चुलामा सेफ्टी ट्याङ्कीमा खसेर ४ बालबालिकाको मृत्यु भएको छ।

मंगलबार दिउँसो करिब ४ बजेतिर नौगाड गाउँपालिका–४ सिप्टीमा गणेश विनायक माविको शौचालयको सेफ्टी ट्याङ्कीको छाना भत्किदा ४ बालबालिकाको मृत्यु भएको जिल्ला प्रहरी कार्यालय दार्चुलाले जनाएको छ।

जिल्ला प्रहरी कार्यालय दार्चुलाका प्रहरी निरीक्षक हिक्मत बहादुर बोहराले डिसी नेपाललाई दिएको जानकारी अनुसार मृत्यु हुने बालबालिकाको नाम खुलेको छैन। उनीहरु ५ देखि १० वर्ष उमेर समूहका छन्। ३ बालिका र १ बालक रहेको भन्ने सूचना प्राप्त भएको छ।

बिदा भएको समयमा शौचालय वरिपरि खेलिरहेकाे बेला एक्कासी सेफ्टी ट्याङ्कीकाे छत भत्किदा मृत्यु भएको प्रहरी कार्यालय दार्चुलाले जनाएको छ। जिल्लाबाट करिब ६ घण्टाको समय लाग्ने हुँदा नजिकै रहेको प्रहरी चौकीको टोली घटनास्थलमा गएको प्रहरी निरीक्षक बोहराले बताए।  

ताजा भिडियो

नेपालको क्लिन फिड नियमले भारतमा हल्लाखल्ला । Clean Feed ।

Tilicho Lake - Highest Lake in The World l तिलिचो ताल, मनाङ ।

गुठी विधेयक फिर्ता: मन्त्रीको प्रश्न, जुन चिज थियो, छिनेर लग्यो, अब के को खारेज ? Guthi Bill |

संसदमा सलामी मोहदेखि गलबन्दी विवादबारे चर्चा | Galabandi | Prakash Saput |