स्वदेशी फूलको अध्ययन सुरु
News Updated By- Aryan Dhimal    |   Posted From- Washington DC     |     January 12, 2017  

ललितपुर, २८ पुस - गोदावरीस्थित राष्ट्रिय वनस्पति उद्यानमा पुष्प व्यवसायलाई प्रवद्र्धन गर्ने उद्देश्यले स्वदेशी, स्वभनीय ( सजावटका) फूलको अध्ययन÷अनुसन्धान सुरु भएको छ ।

स्वदेशी जातका फूल फुल्ने समय, अवधि, प्रकार लगायतका विषयमा अध्ययन भइरहेको उद्यानका प्रमुख दीपक लामिछानेले बताउनुभयो । विदेशी फूल प्रतिस्थापन गरेर स्वदेशी फूलको प्रवद्र्धन गर्नेसमेत अध्ययनको उद्देश्य छ । उहाँले भन्नुभयो, “हामीले विभिन्न जातका स्वदेशी फूलको जीवन चक्रको अध्ययन गरिरहेका छौँ ।”

स्वदेशी फूलको अध्ययनका क्रममा अहिले उद्यानमा खिरौला, नेपाली लिली, दमाईं फूल, ग्राउन्ड अर्किड लगायतको अध्ययन भइरहेको छ । फूलको पात, फूल, हाँगा बीउ लगायतका भागको समेत अध्ययन भइरहेको छ । यी फूलको सम्भावना देखिएमा तिनलाई नर्सरीमा लगाउन पुष्प व्यवसायीलाई सल्लाह दिने उद्यानको योजना छ । उहाँले भन्नुभयो, “हामीले गरेको अध्ययनबाट पुष्प व्यवसायीले सिकेर आफ्नो नर्सरीसम्म लगाउन सक्छन् ।”

अध्ययन÷अनुसन्धानका लागि वनस्पतिविद् र विद्यार्थीसमेत उद्यानमा आइरहेका छन् । नेपाली मात्रै नभएर विदेशी आगन्तुकसमेत वनस्पतिको अध्ययनका लागि आउने गर्छन् । उद्यानले विगतदेखि नै वनस्पतिको विभिन्न अध्ययन गर्दै आएको छ । रासस

 
 
 

More Daily Video News

Afternoon News, January 17, 2016

मधेसलाई पनि मिलाएर लैजानु काँग्रेसको दायित्व: सभापति देउवा(Afternoon News, January 17, 2016, Source: ABC TV)