कविता - लौ लखेट

१३ पौष २०७५
banner

                 लौ लखेट

‌‌लौ लखेट कता लखेट्दै छस् ?
मलेसिया, कोरिया या जापान लखेट्दै छस् ?
तेरो गलत नियतिको विरोधमा उत्रिन सक्छ !
होशियार भईस तँ !
त्यसैले,
हौसाएर युवालाई, कता लखेट्दै छस् ?
मलेसिया, कोरिया या जापान लखेट्दै छस् ?

कुनै न कुनै बाहानामा मातृभूमि लुटेकै छस्
आफ्नो स्वार्थ पुरा गर्न जनताहरू भुटेकै छस्
पसिनाले सिंचित गर्दै आँगनमा
फूल फूलाऊने रहरहरु निमोठेर तैँले
भन् तँ, आज युवालाई कता लखेट्दै छस् ?
मलेसिया, कोरिया या जापान लखेट्दै छस् ?

ल्याउनेछु रोजगारीका अवसरहरु मूल फुट्याएर
भन्ने गर्थिस्  भाषणमा घोक्रो सुकाएर !
'मुती सके दैलौ देखे" उखान टुक्का जस्तै पो भो !
रोक्छस् की युवाशक्ति !
पलायन हुन बाट भन्ने आशा निराशा भो ।
‌‌लौ लखेट्  कता लखेट्दै छस् ?
मलेसिया, कोरिया या जापान लखेट्दै छस् ?

  बाबुराम पन्थी 'गुल्मेली'
  रे, न, पा, १ तम्घास गुल्मी

ताजा भिडियो

राजमार्गको दृश्य । विर्तामोड र दमकको बीचमा भएको दुर्घटना पछि क्षतबिक्षत गाडी तानिँदै ।

आँखै अगाडि यसरी जल्यो बस्ती...। इलामको माइपोखरी प्रवेशद्वार अगाडिको बजार।

संसदमा कविता माहाेल, प्रतिपक्षमाथी गर्जिए सत्तापक्षका सांसद ll Samsad Baithak ll

दोहोरी : विप्लब vs ओली ll कस्को भाषणकला कस्तो ? Biplab vs Oli ll