पर्यटन प्रवद्र्धनका लागि लगानी बढाउन विज्ञको सुझाव

२९ पौष २०७५
banner

रुपन्देही । नेपालमा बौद्ध पर्यटनले ठूलो सम्भावना बोकेका कारण पर्यटन क्षेत्रमा लगानी बढाउन विज्ञले सुझाव दिएका छन्। 

लुम्बिनी बौद्ध विश्वविद्यालयले शनिबार लुम्बिनीमा आयोजना गरेको एक दिवसीय गोष्ठीमा बोल्दै उनीहरुले नेपालको पर्यटनको आधार नै बौद्धदर्शन भएकाले यसलाई प्रवद्र्धन गर्न जरुरी रहेको बताए। 

कार्यक्रमलाई सम्बोधन गर्दै लुम्बिनी विकास कोषका उपाध्यक्ष भिक्षु मेत्तेयले नेपालको पर्यटन प्रवद्र्धनका लागि बौद्ध पर्यटनमा लगानी बढाउनुपर्ने बताए। उनले भने, “छिमेकी देश भारतले ४० अर्बको परियोजना बौद्ध पर्यटनमा लगायो, अहिले त्यसैबाट आर्थिक प्रगति भएको छ।” सरकारले उचित नीति बनाएर पर्यटन क्षेत्रमा लगानी बढाउनुपर्ने उनको भनाइ थियो। 

विश्वविद्यालयका डिन माणिकरत्न शाक्यले बौद्ध दर्शनको विस्तारका लागि सरकारले ठोस योजना बनाएर कार्यान्वयन गर्नुपर्ने धारणा राखे। विश्वविद्यालयका प्रमुख फणीन्द्र न्यौपानेले बौद्ध दर्शनको विस्तारका लागि विश्वविद्यालयलाई सबैको साथ र सहयोग आवश्यक भएको उल्लेख गरे।

पर्यटन व्यवसायी हेम विष्टले नेपालमा पर्यटकको गन्तव्य लुम्बिनी भए पनि पर्यटकलाई टिकाउन नसक्दा पर्यटन प्रवद्र्धन हुन नसकेको बताए। कार्यक्रममा प्राज्ञ डा ध्रुव पोखरेल, राजीव दाहाल र रमेशराज कुँवरले ट्राभल एण्ड टुरिजम म्यानेजमेन्ट विषयको पाठ्यक्रमबारे आआफ्ना प्रस्तुति गरेका थिए। 

पछिल्लो समयमा विश्वविद्यालयले बौद्धदर्शनअन्तर्गत ट्राभल एण्ड टुरिजम म्यानेजमेन्ट विषय अध्यापन शुरु गरेकाले एक दिवसीय सेमिनारको आयोजना गरी सो विषयको पाठ्यक्रम तयार गर्नका लागि विज्ञको सुझाव लिइएको विश्वविद्यालयका प्रध्यापक इन्द्र काफ्लेले जानकारी दिए। रासस

ताजा भिडियो

गुठी विधेयक हंगामाः कांग्रेस सडकमा, नेपालबन्दको नै आव्हान गर्यो हिन्दु संगठनले । Guthi l

सत्ता पक्ष सांसदको अभिव्यक्तिः गुठी विधेयकका विरोधी भाडाका मान्छे हुन्। Ganga Chaudhary l Guthi l

गुठी विवादबारे प्रधानमन्त्रीले एयरपोर्टमा के भने ? PM KP Oli Speech in Airport l Guthi l

गुठी विवादले तात्यो संसद । Samsad | Birodh Khatiwada |