ट्रम्पलाई अर्काे झड्का  उपमहान्यायाधिवक्ताको पनि राजीनामा

२७ पौष २०७५
banner

वासिङ्टन डिसी। अमेरिकी उच्च अधिकारीहरुले राजीनामा दिने क्रममा उप महान्यायाधिवक्ताले पनि राजीनामा दिन लागेका छन्। 
निर्वाचनका बेला रुसको संलग्नताका बारेमा अनुसन्धान गर्ने जिम्मेवारीमा रहेका  उप महान्यायाधिवक्ता रोड रोसेन्स्टैनले राजीनामा दिन लागेका हुन्। 

महान्यायाधिवक्तामा मनोनित विलियम बारले पनि राजीनामा दिने अपेक्षा गरिएको विभिन्न सञ्चार माध्यमहरुले जनाएका छन्। तर उनलाई राजीनामा दिन दवाब नपरेकाले उनले राजीनामा नदिएको पनि समाचारमा उल्लेख छ। उपमहान्यायधिवक्ता रोसेन्स्टेनले भने राजीनामा दिने आफ्नो निर्णयका बारेमा ह्वाईट हाउस र राष्ट्रपति डोनाल्ड ट्रम्पलाई जानकारी गराईसकेको बताएका छन्। 

ट्रम्पले यसअघिका महान्यायाधिवक्ता जेफ सेसन्सलाई पनि बर्खास्त गरेका थिए। सेसन्सले राष्ट्रपतिसमक्ष दिएको राजीनामामा महान्यायाधिवक्ताको पद छाड्ने निर्णय आफ्नो नभएको स्पष्ट पारेका थिए। उनले राष्ट्रपतिको आग्रहमा आफूले राजीनामा दिन लागेको उल्लेख गरेका थिए। 
विगत केही महिनाको अवधिमा दर्जन भन्दा बढी उच्च पदस्थ सरकारी अधिकारीहरूले राष्ट्रपति ट्रम्पसँगको सहकार्य तोडिसकेका छन्। 
कतिपयलाई राष्ट्रपति ट्रम्पले निस्कासन गरेका हुन् भने कतिपयले काम गर्न नचाहेको भन्दै पद त्याग गरेका छन्। 

गृह मन्त्री रयन जिङ्क, राष्ट्रसंघका लागि अमेरिकी प्रतिनिधि निक्की हेली, रक्षा मन्त्री जेम्स माटिस, विदेश मन्त्रालयका मुख्य कर्मचारी रेयर एड्माइरल केभीन स्विनीलगायतले गत केही महिनामा राजीनामा दिएका थिए। (रासस/एएनआई)
 

विशेष

ताजा भिडियो

सरकारले गर्यो भारतबाट रेल किन्ने निर्णय, पानी जहाज कार्यालय पनि खुल्ने भो । Rail in Nepal l

पर्वत मालढुङ्गा बस दुर्घटना ।

सुख्खा बन्दरगाहाको शिलन्यास । PM Kp Oli ।

गगन थापाको आकस्मिक पत्रकार सम्मेलन किन ? Gagan Thapa Press Meet on Govinda KC's hunger strike l