एएफसी यु-१९ छनोट प्रतियोगिता : महिला फुटबल टोली थाइल्याण्ड जाने

२४ आश्विन २०७५

banner

काठमाडौँ । एएफसी उन्नाइस वर्षमुनि (यू–१९) छनोट प्रतियोगिताको लागि नेपाली महिला फुटबल टोली थाइल्याण्ड जाने भएको छ। आगामी कात्तिक ७ देखि ११ गतेसम्म सञ्चालन हुने प्रतियोगितामा नेपाल समूह ‘बी’ मा परेको छ। नेपालको समूहमा भारत, पाकिस्तान र थाइल्याण्ड छन्। 

नेपालले आफ्नो पहिलो खेलमा कात्तिक ७ गते आयोजक थाइल्याण्डसँग खेल्दै छनोट प्रतियोगताको उद्घाटन गर्नेछ । त्यस्तै नेपालले दोस्रो खेल कात्तिक ९ गते भारतसँग खेल्नेछ भने समूहचरणको अन्तिम खेल कात्तिक ११ गते पाकिस्तानसँग भिड्नेछ। 

पहिलो चरणको छनोटबाट शीर्ष दुई टोलीले दोस्रोचरणमा प्रवेश गर्नेछन्। नेपाली टोली कात्तिक ३ गते थाइल्याण्ड जानेछ। रासस

Leave a reply

HTML Tags are not supported

Post My Comment »