महिला टी ट्वान्टी क्रिकेटः शनिबार चीनसँग भिड्दै नेपाल

२७ पौष २०७५
banner

काठमाडौं । थाईल्याण्डमा हुने महिला टी ट्वान्टी स्मास क्रिकेटमा नेपालले शनिबार चीनसँग प्रतिस्पर्धा गर्दै छ । थाईल्याण्ड क्रिकेट एसोसियसनले आयोजना गरेको प्रतियोगितामा खेल तालिका परिवर्तन भएअनुसार नेपाल समुह एमा रहेको छ । नेपाल रहेको समुह एमा युएई, चीन, मलेसिया र थाईल्याण्ड छन् ।

त्यस्तै, समुह बीमा थाईल्याण्ड, हङकङ, ईन्डोनेशिया, भुटान र म्यानमार छन् । परिवर्तित खेल तालिका अनुसार नेपालले आफ्नो पहिलो खेलमा  शनिबार चीनसंग खेल्नेछ । त्यस्तै, आगामी आईतबार मलेसिया, सोमबार युएई र बुधबार थाईल्याण्डसंग प्रतिस्पर्धा गर्नेछ । समुहका शीर्ष दुई टोली अन्तिम ४ मा प्रवेश गर्नेछन् ।

यसअघिको तालिका अनुसार नेपाल रहेको समुहमा तान्जेनिया, नामिविया, ईन्डोनेशिया र कुवेत समावेश थिए । थाईल्याण्ड उड्नु अघि नेपाली महिला टिमका मुख्य प्रशिक्षक विनोद दासले थाईल्याण्डमा हुने प्रतियोगितामा नेपाली महिला क्रिकेटको वास्तविक धरातल थाहा हुने बताएका छन् । महिला क्रिकेटको गतिविधि शुन्य प्राय रहेको अवस्थामा मुख्य प्रशिक्षकको जिम्मेवारी पाएका दासले अन्तराष्ट्रिय स्तरमा महिला क्रिकेटको अवस्थामा बुझ्न थाईल्याण्ड भुमि उपयोगी हुने बताएका हुन् ।

पुर्व कप्तान समेत रहेका दासले नेपाली पुरुष क्रिकेट टिमको सहायक प्रशिक्षकको रुपमा काम गर्दै आएका थिए । महिला क्रिकेट टिमले दुई महत्वपुर्ण प्रतियोगिता खेल्ने तय भएपछि दासलाई नेपाली महिला क्रिकेट टिमको मुख्य प्रशिक्षकको जिम्मेवारी दिईएको थियो ।
पहिलो पटक नेपाली महिला टिमको नेतृत्व गरेर थाईल्याण्ड निस्कन लागेका प्रशिक्षक दासले नेपालले राम्रो खेल्ने प्रयास गर्ने बताए । टिमको मुख्य लक्ष्य खेल जित्नुनै रहेको उल्लेख गर्दै उनले आफ्नो स्वभाविक खेल पस्किने उल्लेख गरे ।

नेपाली टोलीः
रुबिना क्षेत्री (कप्तान)
सिता राना मगर (उपकप्तान)
करुणा भण्डारी
सरिता मगर
नेरी थापा
इन्दु बर्मा
सोनु खड्का 
आरती बिडारी 
काजल श्रेष्ठ 
रोमा थापा 
कविता कुवर 
डोली भट्ट 
ममता कुमारी चौधरी 
बिन्दु रावल

विशेष

ताजा भिडियो

रवि लामिछाने र निकिता पौडेलको कानुनी विवाह । Rabi Lamichhane and Nikita Poudel's Court Marriage l

आयूष्मान र प्रियंकाको प्रेम–दिवस | Priyanka Karki | Aayushman DeshRaj Joshi |

किस सिनको बारेमा प्रश्न गर्दा आशिरमानकी आमाको कडा जवाफ |

संसदमा कांग्रेस नेता विजय गच्छदारको गर्जनः ओलीजी हिम्मत छ ? । Bijaya Gachhadar l Samsad Baithak l