काठमाडौं । भारतको छत्तीसगढको दन्तेवाडामा माओवादीको आक्रमणमा १० सुरक्षाकर्मी र एक सवारी चालकको मृत्यु भएको छ । मारिएका जवानहरू डिस्ट्रिक्ट रिजर्भ गार्ड (डीआरजी) का थिए।

प्रहरीका अनुसार दन्तेवाडाको अरनपुर क्षेत्रमा माओवादी रहेको खबर पाएपछि नक्सल विरोधी अभियानका लागि दन्तेवाडाबाट डीआरजी फोर्स पठाइएको थियो ।

केन्द्रीय गृहमन्त्री अमित शाहले छत्तीसगढका मुख्यमन्त्रीसँग कुरा गरे र दन्तेवाडा जिल्लाको अरनपुर नजिक माओवादी आक्रमणमा मारिएका १० डीआरली जवानहरूको बारेमा सोधपुछ गरे। उनले छत्तीसगढ मुख्यमन्त्रीलाई सक्दो सहयोग गर्ने आश्वासन दिएका छन् ।

छत्तीसगढका मुख्यमन्त्री भूपेश बघेलले शहीद जवानका परिवारप्रति समवेदना व्यक्त गर्दै नक्सलवादीहरूलाई कुनै पनि हालतमा छाडिने छैन भनेका छन्।

भुपेश बघेलले भने, ‘अरणपुर प्रहरी चौकी अन्तर्गत माओवादी कार्यकर्ता रहेको सूचनाको आधारमा नक्सल विरोधी अभियानका लागि आएको डिआरजी फोर्सको गाडीमा बम विष्फोट हुँदा हाम्रा १० डीआरजी जवान र एक चालकको मृत्यु भएको खबर छ । दन्तेवाडा अत्यन्तै दुखी छ।”

“हामी सबै राज्यका जनता उहाँहरूप्रति श्रद्धाञ्जली अर्पण गर्दछौं। हामी सबै उहाँहरूको परिवारसँग शोकमा सहभागी छौं। उहाँहरूको आत्माले शान्ति पाओस्।”

माओवादी विरुद्धको अपरेशन सकेर फर्कने क्रममा अरनपुर सडकमा संदिग्ध माओवादीले बम विष्फोट गराएको थियो जसले अपरेशनमा संलग्न डीआरजीको गाडीलाई ठक्कर दिएको थियो।

१० जवान र गाडी चालकको घटनास्थलमै मृत्यु भएको थियो । उक्त क्षेत्रमा खोजी कार्यका लागि थप जवानहरु पठाइएको प्रहरीले जनाएको छ ।