एजेन्सी । इटालियन सिरी ए फुटबलमा एसी मिलानले सहज जित निकालेको छ । शनिबार राति भएको खेलमा मिलानले काग्लियारीलाई २–० गोल अन्तरले पराजित गरेको हो ।

मिलानको जितमा राफाइल लीओ र ज्लाटन इब्राहिमोविचले एक एक गोल गरे। खेलको ४६ औं मिनेटमा राफाइलले गोल गर्दै मिलानलाई सुरुवाती अग्रता दिलाए ।

त्यसपछि खेलको ६४ औं मिनेटमा इब्राहिमोविचले गोल गर्दै मिलानलाई २–० को जित दिलाए । यसै सिजन क्लब फर्किएका इब्राहिमोविचको यो क्लबका लागि पहिलो गोल हो ।

जितसँगै मिलानले १९ खेलमा २५ अंक जोडेको छ । मिलान लिगको सातौं स्थानमा रहेको छ । २९ अंक जोडेको काग्लियारी छैटौं स्थानमा रहेको छ ।