काठमाडौं। तनहुँको मार्कीचोकबाट काठमाडौंको मातातीर्थसम्मको मस्र्याङदी–काठमाडौं २२० केभी डबर सर्किट प्रसारण लाइनको निर्माण अन्तिम चरणमा पुगेको छ। ८२ किलोमिटर प्रसारण लाइनमा पर्ने २३१ टावरमध्ये स्थानीयको अवरोधका कारण ५ वटाको मात्रै निर्माण बाँकी रहेको र ७५ किलोमिटरभन्दा बढी तार तानिएको आयोजनाले जनाएको छ। यो मस्र्याङदी नदी बेसिनका जलविद्युत् आयोजनाको विद्युत काठमाडौ.उपत्यकामा ल्याउन निर्माणाधीन प्रसारण लाइन हो।