काठमाडौं। नेपाली युवा क्रिकेटर सन्दीप लामिछानेले लामो अन्तरालपछि नेपाली राष्ट्रिय क्रिकेट टिमका पूर्वप्रशिक्षक पुबुदु दासानायकेसँग भेटे । दासानायके अहिले एभरेष्ट प्रिमियर लिगको प्रशिक्षणका लागि नेपाल आएका छन् । यही क्रममा उनीहरुको भेट भएको हो । भेटपछि सन्दीपले भनेका छन् ‘मेरा गुरुसँग नेटमा केही रमाइलो समय बिताउने अवसर पाएँ र मलाई महसुस भयो कि म समयसँगै विगतमा पुगेको छु ।’

Spent some quality time at nets with my mentor today and felt as if I have went back in time: The joy, love and thrill. I am privileged and humbled Sir @PDassnayake. You always encouraged me from day one. Thanks again for everything legend. #Respect #SL25 pic.twitter.com/mKjosK2Abd

— Sandeep Lamichhane (@IamSandeep25) March 10, 2020

सन्दीपलाई यो उचाइ दिलाउने श्रेय पुबुदु दासानायकेलाई नै जान्छ । राष्ट्रिय टिमका अर्का स्पिनर बसन्त रेग्मीको बिहेमा सहभागी भएर फर्कने क्रममा पुबुदुले सन्दीपलाई बलिङ गर्दै गरेको देखेका थिए । त्यतिबेलै सन्दीपको प्रतिभा चिनिसकेका पुबुदुले उनलाई काठमाडौं बोलाएका थिए । त्यसपछि अण्डर १९ राष्ट्रिय टिममा स्थान बनाएका सन्दीपले अहिले निकै ठूलो उचाइ हासिल गरिसकेका छन् ।