काठमाडौं। सूचना प्रविधि कम्पनी गुगलले उत्तर अमेरिकामा कार्यरत आफ्ना १ लाखभन्दा धेरै कर्मचारीलाई घरमै बसेर काम गर्न निर्देशन दिएको छ । कोरोनाभाइरसको संक्रमण उत्तर अमेरिकामा पनि फैलिन थालेपछि गुगलले कम्तीमा अप्रिल १० सम्मका लागि घरमै बसेर काम गर्न भनेको हो । सिएनबीसीले गुगलबाट आफूलाई प्राप्त इमेलको हवाला दिँदै लेखेको समाचारअनुसार गुगलले आफ्नो उद्देश्य कार्यालयमा मानिसहरुको घनत्व कम गर्नु र कोरोनाभाइरसको फैलिने दरलाई कम गर्नु भएको जनाएको छ ।

Contributing to social distancing if you are able to, helps the overall community spread and most importantly, will help offset the peak loads through critical healthcare systems and also saves it for people in need. (based on expert advice). Please contribute if you are able to https://t.co/RNUh2kSyIJ

— Sundar Pichai (@sundarpichai) March 10, 2020

उत्तर अमेरिकामा मात्र गुगलका १ लाखभन्दा धेरै कर्मचारी छन् । विश्वभरी कोरोनाभाइरसले ४२०० भन्दा धेरैको ज्यान लिइसकेको र १ लाख १८ हजारभन्दा बढी संक्रमित भइसकेको अवस्थामा गुगलको यस्तो निर्देशन आएको हो । ‘हामीलाई थाहा छ यो सबैका लागि असहज परिस्थिति हो’ कम्पनीका चिफ एक्जिक्युटिभ सुन्दर पिचाइले भने । पिचइले ट्वीट गर्दै गुगलका कर्मचारीलाई सामाजिक रुपमा सम्भव भएसम्म दूरी बढाउन पनि आग्रह गरेका छन् ।