काठमाडौं। अमेरिकाले शुक्रबार चिनियाँ कम्युनिस्ट पार्टी (सीसीपी)का अधिकारीहरुलाई भिसा प्रतिबन्ध लगाउने घोषणा गर्यो । अमेरिकाले उनीहरुमाथि हङकङमा मानवअधिकार र स्वतन्त्रताका आधारभूत अधिकारहरु हनन गरेको आरोप लगाएको छ । शनिबार चीनले अमेरिकाको निर्णयप्रति कडा विरोध जनाएको छ । चीनले राष्ट्रिय सुरक्षा कायम राख्नको लागि आफूले बलियो कदम चालिरहने जनाएको छ ।

President @realDonaldTrump promised to punish the CCP officials responsible for eviscerating Hong Kong’s freedoms. Today, we are taking action to do just that– we’ve announced visa restrictions on CCP officials responsible for undermining Hong Kong’s autonomy and human rights.

— Secretary Pompeo (@SecPompeo) June 26, 2020

अमेरिकी विदेशमन्त्री माइक पोम्पियोले चिनियाँ अधिकारहिरुमाथि भिसा प्रतिबन्धको घोषणा गर्दै आफूले राष्ट्रपति डोनाल्ड ट्रम्पको आदेशको पालना गरेको बताएका थिए । उनले मानवअधिकार हननको दायरामा पर्ने अधिकारीका परिवार पनि प्रतिबन्धको दायराभित्र पर्न सक्ने बताएका थिए । पोम्पियोले चीनलाई ब्रिटिश–चीन संयुक्त घोषणामा आफूले गरेको प्रतिबद्धताको पालना गर्न पनि आग्रह गरेका थिए ।

#China on Saturday expressed strong opposition to the #US‘ wrongful decision to impose #visa restrictions on Chinese officials over #HongKong-related issues, and vowed to continue taking strong measures to uphold national security. https://t.co/0cuEGeBBE0 pic.twitter.com/5XeaMdYixF

— Global Times (@globaltimesnews) June 27, 2020

अमेरिकाको घोषणापछि चीनले कडा प्रतिक्रिया दिएको छ । चीनले आफ्नो राष्ट्रिय सुरक्षा कायम राख्नको लागि आफूले थप कडा कदम पनि चाल्न सक्ने भन्दै आफू पछि नहट्ने प्रस्ट पारेको छ । चीनको सरकारी मुखपत्र ग्लोबल टाइम्सले लेखेअनुसार चीनले हङकङ आफ्नो आन्तरिक विषय भएकोले बाहिरी हस्तक्षेप स्वीकार नगर्ने बताएको छ ।