काठमाडौं । म्यान्चेस्टरमा जारी इङल्यान्ड र वेस्टइन्डिजको बिच भईरहेको टेस्ट श्रृंखला अन्तर्गतको अन्तिम खेलको दोस्रो दिन खराब प्रकाशको कारण खेल चाँडै समाप्त भएको छ। खेलमा वेस्टइन्डिज पहिलो इनिङमा ६ विकेट गुमाउँदै १३७ रन बनाएको छ। यस अघि इङल्यान्ड टोली पहिलो इनिमा ३६९ रनमा अलआउट भएको थियो । खेलमा ईङल्यान्ड टोलीले २३२ रनको अग्रता बटुलेको छ। पहिलो इनिङमा वेस्टइन्डिजका कप्तान जेसन होल्डर २४ र शेन दौरीच १० रनमा अविजित रहेका छन्। खेलमा वेस्टइन्डिजले टस जितेर पहिले ब्याटिङ गर्ने निर्णय गरेको थियो ।

Stuart Broad blasted 62 to lift England to 369 before playing his part with the ball as the home seamers reduced West Indies to 137/6 by stumps.

REPORT ? https://t.co/l5jb9Jn0Vh pic.twitter.com/I43NbaWjgV

— ICC (@ICC) July 25, 2020

वेस्टइन्डिजका शाई होप (१७) र शमरा ब्रुक्स (४) लाई जोस बटलरको हातमा जेम्स एन्डरसनले क्याच आउट गराएका थिए। जेर्मेन ब्ल्याकवुडलाई क्रिस वोक्सले २६ रनमा बोल्ड गरे। यसअघि जोन क्याम्पबेल ३२ रनमा ओर्चरको बलमा आउट भए। उनी रोरी बर्न्सको हातबाट क्याच भए । स्टुअर्ट ब्रॉडले क्याग ब्रेथवेटलाई १ रनमै जो रुटको क्याच आउट गरे।

Just the ninth West Indies bowler to take 200 Test wickets, @KemarAJR ? #ENGvWI pic.twitter.com/UAqCYV5DtE

— ESPNcricinfo (@ESPNcricinfo) July 25, 2020

इङल्यान्डका लागि पहिलो इनिङमा ओली पोपले ९१, जोस बटलरले ६७, स्टुअर्ट ब्रॉडले ६२ र रोरी बर्न्सले ५७ रन बनाए । ब्रोडको टेस्ट क्यारियरको यो १३ औं अर्धसतक थियो। उनले बेससँग ९ औं विकेटका लागि ७६ रनको महत्वपूर्ण साझेदारी गरेका थिए ।

जेम्स एन्डरसनले होप र ब्रूक्सको विकेट लिएर नयनँ रेकर्ड बनाए। उनी वेस्टइन्डिज बिरूद्धको खेलमा सबैभन्दा बढी ८७ विकेट लिने ईङल्यान्डका पहिलो बलर बनेका छन्। यो भन्दा पहिले फ्रेड ट्रूमनले ८६ विकेट लिएका थिए।