काठमाडौं । अर्जेन्टिनी राष्ट्रपति अल्बर्टो फार्नान्डिजले लियोनल मेस्सीलाई आफ्नो देश फर्कन आह्वान गरेका छन ।

अर्जेन्टिनी राष्ट्रपतिले मेस्सीलाई आफ्ना देश फर्कन आग्रह गर्दै नेवेल्स ओल्ड ब्वायजबाट आफ्नो खेल करियर सक्न अनुरोध गरुेका हुन ।

Alberto Fernández (President of Argentina): “You (Messi) are in the hearts of all of us and we could never see you play in our land, give us the pleasure of coming to finish your career at Newell’s, which is your club.” [el pais via sport] pic.twitter.com/KDXXzFHwLU

— barcacentre (@barcacentre) August 30, 2020

मेस्सीको भविष्य पछिल्लो केही सातायता अनिश्चित बनेको छ । उनले बार्सिलोना छाड्ने निर्णय गरेसंगै उनको भविष्यलाई लिएर विभिन्न अड्कलबाजी सुरु भएको छ ।

मेस्सीको नाउ क्याम्पसंग विवाद बढ्ने संकेत देखिएको छ । ला लिगाले भर्खरैमात्र मेस्सीलाई निशुल्क सरुवाको अनुमती दिन नसकिने बताएको छ । बार्सिलोनाले मेस्सी अनुबन्धनका लागि कुनैपनि क्लबले ७ सय मिलियनको रिलिज क्लज तिर्नुपर्ने बताएको छ ।

युरोपेली क्लब फुटबलका धनी क्लबहरु मेस्सी अनुबन्धनका लागि इच्छुक छन् । तर प्रिमियर लिग क्लब म्यान्चेष्टर सिटी मेस्सी अनुबन्धनको दौडमा अघि छ । सिटीसंगै पीएसजी, इन्टर मिलान र युभेन्ट्स समेत मेस्सी अनुबन्धनमा इच्छुक देखिएका छन् ।