काठमाडौं । फुटबल विश्वव्यापी रूपमा सबैले पछ्याउँने एक खेल हो र यसका फ्यानहरू विश्वको प्रत्येक कुनामा रहेका छन्। त्यसकारण फुटबलरहरू सेलिब्रेटीहरु भन्दा कम हुँदैनन्। उनीहरुले ग्लामर, पैसा र नाम सबै कुराहरु प्राप्त गरेका हुन्छन। फुटबलका स्टार खेलाडीहरूलाई संसारले मनपराउँछ, संसारले पछ्याउँछ र उनीहरुलाई फ्नाहरुले आफ्नो आईडलको रुपमा पनि मान्छन ।

विश्वमा केही यस्ता फुटबल खेलाडीहरू छन् जसले आफ्नो कार्य र उदारताका कारण व्यक्तिहरूको मन जितेका छन्, तर त्यहाँ केही यस्ता खेलाडीहरू पनि छन् जसले यो खेलमा दाग पनि लगाएका छन । केहि यस्ता खेलाडीहरू पनि छन् जो विश्वको आँखामा तारा नभई भिलेन बनेर मैदानबाट जेल गएर खेलको मर्यादा तोडेका छन ।

एडम जोनसन : म्यान्चेस्टर सिटी र सन्दरल्याण्डका लागि खेल्ने एडम जोनसनलाई गम्भीर आरोप लगाइएको थियो जसको कारण उनी जेल जानु पर्यो । २०१४ मा जोसन एक १४ बर्षीय युवतीको साथ अतिरिक्त वैवाहिक सम्बन्धमा थिए। ती नाबालिग युवतीसँग उसनको शारीरिक सम्बन्ध पनि थियो ।

उनी २०१६ मा गिरफ्तार भएका थिए र उनलाई ६ बर्षको जेल सजाई सुनाईएको थियो । तर जेलमा उनले गरेको राम्रो ब्यहारका कारण उनलाई ३ बर्षपछि रिहा गरिएको थियो । यो घटनाको कारणले गर्दा उनको करियरमा गलत प्रभाव पार्यो । उनले जेल सजाय पाउने बित्तिकै सन्दरल्यान्डले उनलाई टोलीबाट बाहिर गरेको थियो । उनको खेलमाथि प्रतिबन्ध नलगाईए पनि पछि उनलाई कुनै क्लबले आबद्व गर्न चाहेनन ।

आर्दा तुनारा : सन २०१८ मा टर्किश मिडफील्डर आर्दा तुनाराले सार्वजनिक स्थानमा एक गायकसंग विवादको क्रममा गोली चलाएको खबर बाहिरीएको थियो । तुनाराले गायक बर्के साहिनसंग विवाद गर्ने क्रममा रिसको झोकमा जमिनमा गोलि चलाएका थिए । उनलाई गैरकानुनी रुपमा हतियार राखेको तथा गायकलाई जानीजानी घाईते बनाउन खोजेको र बेज्जईत गर्न खोजेको आरोपमा ३ बर्ष जेल सजाय सुनाईएको थियो ।

यद्दपी उनलाई अगामी ५ बर्षसम्म कुनैपनि गैरकानुनी कार्य नगर्ने सर्तमा जेल सजायबाट मुक्त गरिएको थियो । अदालतबाट उनले सफाई पाएपनि उनको क्लबले उनीमाथि तिन लाख पचास हजार पाउन्ड जरिवाना लगायो । त्यो सिजनमा उनले रेफ्रिसंग झगडा गरेका कारण उनीमाथि १६ खेल खेल्न प्रतिबन्ध लगाईएको थियो तर पछि उनलाई १० महिनाको प्रतिबन्ध लगाईयो ।

डन्कन फर्ग्युसन : एवर्टनका म्यानेजर डन्कनलाई छिटै रिसाउने ब्यक्तिका रुपमा चिनिन्छ । रिसकै कारण उनी धेरैपटक विवादमा पर्नु परेको छ जसकारण उनले धेरै पटक जरिवाना पनि तिर्नु परेको छ । बिपक्षी खेलाडीलाई हेडबट गरेको कारण उनलाई ६ महिना जेल सजाय सुनाईएको थियो तर उनी ४५ दिनमै जेल बाहिर आए ।

फुटबलमा मैदानमा केहि नराम्रो गरेको कारण जेल सजाय पाएको प्रायः कमै देदिन्छ । उनीमाथि प्रहरीसंग विवाद गरेका कारण धेरै पटक जरिवाना तिराउन लगाईएको छ । उनलाई अपाङता भएका ब्यक्तिलाई पिडा दिएको कारण पनि एक बर्षसम्म निगरानीमा राखिएको थियो ।

जोए बर्टन : जोए बर्टन आफ्नो खराब ब्यबहारका कारण फुटबल जगतमा धेरै पटक बदनाम भएका थिए । म्यान्चेसटर सिटीका मिडफिल्डर भईसकेका यी खेलाडी झगडालु र रिसाहा प्रवृतीका कारण धेरै पटक विवादमा परेका छन । उनीमाथि ड्राईभिङ रेस गरेको पनि आरोप छ । उनले पैदल यात्रुलाई गाडिले ठक्कर दिएको आरोपमा ७७ दिनको जेल सजाय भोग्नुपर्यो ।

ब्रुनो फर्नांडिस डिसूजा : फ्लेमिङोका पूर्व गोलकीपर ब्रुनोले हत्याको गम्भीर आरोपको सामना गर्नु पर्यो। उनले आफ्नो साथी एलिजा समुदियोलाई गम्भीर चोट पुरया्एर उनको हत्या गरेकोको अभियोगमा उनलाई २२ वर्ष जेल सजाय सुनाइएको थियो । पछि मानिसहरु र उनका फ्यानहरू चकित भए जब २०१९ मा उनलाई राम्रो व्यवहारु को कारण जेलबाट रिहा गरियो ।

अझ आश्चर्यको कुरा के थियो भने, उनको रिहाई पछि, उनले दोस्रो टायर क्लब बोवा एस्पोर्टसँग पनि एउटा सम्झौता गरे। रिहाइ पछि, उनले कहिले पनि कुनै पश्चाताप गरेको महसुस गरेन।