मुम्बइ। बलिउडका दुई अभिनेत्री ऋचा चड्ढा र पायल घोषबीच अहिले कानुनी लडाइँ चलिरहेको छ । पायल घोषले केही दिनअघि निर्देशक अनुराग कश्यपमाथि यौनशोषणको आरोप लगाएकी थिइन् । यस क्रममा पायलले ऋचा चड्ढालाई पनि त्यसमा मुछेकी थिइन् । पायलले आफूलाई मुछेपछि ऋचाले पायलविरुद्ध बाम्बे हाइकोर्टमा मानहानीको मुद्दा हालिदिइन् । यो मुद्दा ऋचाले जितेकी छिन् । अदालतले पायललाई ऋचासँग बिना शर्त माफी माग्न आदेश दिएको र पायलले अदालतमै माफी मागेको समाचारमा जनाइएको छ । यो मुद्दामा ऋचाले दावी गरेको मानहानीको क्षतिपूर्तिबारे भने फैसला हुन बाँकी छ ।

 

View this post on Instagram

 

WE WON! Satyamev Jayate! Grateful to the Hon. Bombay High Court for justice ! The order is now in public record, freely available for all on the High Court website. Thank you for your support, next hearing (for settlement) is on the 12th as is mentioned in the order. ??

A post shared by Richa Chadha (@therichachadha) on Oct 8, 2020 at 7:49am PDT

ऋचाले आफ्नो आधिकारिक इन्स्टाग्राममा बाम्बे हाइकोर्टको फैसलाको कपी शेयर गर्दै आफूले केस जितेको बताएकी छिन् । उनले फैसलाको कपी शेयर गर्दै लेखेकी छिन् ‘हामीले जित्यौं, सत्यमेव जयते । म बाम्बे हाइकोर्टप्रति आभारी छु । यो फैसला अब सार्वजनिक रेकर्डमा छ । हाइकोर्टको वेबसाइटमा उपलब्ध छ । तपाइँको समर्थनको लागि धन्यवाद । अर्को सुनुवाइ १२ अक्टोबरमा छ जो यो फैसलामा उल्लेख छ ।’

When the matter is sub-judice and verdict is not yet passed, how Ms. Chadhha claims to have won. I agreed to hon’ble HIgh Court suggestion to settle d matter amicably on 12th October. Making false claim of win amounts to “contempt of Court “. https://t.co/IQzfQhG2Zn

— Payal Ghosh (@iampayalghosh) October 9, 2020

ऋचाको यो पोस्टपछि पायल घोषले ट्वीटरमा प्रतिक्रिया दिउकी छिन् । उनले आफ्नो ट्वीटमा लेखेकी छिन् ‘जब फैसला विचाराधीन छ र अहिलेसम्म आएको छैन भने मिस चड्ढाले कसरी केस जितेको दावी गर्न सक्नुहुन्छ ? म १२ अक्टोबरमा मुद्दाको छिनोफानो गर्नको लागि हाइकोर्टको सुझाव मान्नको लागि सहमत छु । अदालतको अवहेलनाको लागि जीतको राशीको झुटो दावी गरिएको छ ।’ सामाजिक संजालमा ऋचा चड्ढाको पोस्ट र पायल घोषको ट्वीट भाइरल भइरहेको छ ।

निर्देशक अनुराग कश्यपमाथि यौन शोषणको आरोप लगाएकी पायल घोषले बुधबार बाम्बे हाइकोर्टलाई आफूले आफ्नो बयानको विषयमा ऋचा चड्ढासँग बिना शर्त माफी मागेको बताएकी छिन् । चड्ढाका वकिलले चड्ढाले माफीनामा स्वीकार गरेको बताएका छन् । तर, अदालतबाट बाहिर निस्कनासाथ पायल अचानक बदलिइन् र उनले ऋचासँग माफी माग्न अस्वीकार गरिन् । यद्यपि ऋचा चड्ढाले केस गरेपछि पायलले सामाजिक संजालमा आफ्नो लडाइ केवल अनुराग कश्यपविरुद्ध भएको र ऋचा चड्ढासँग आफ्नो कुनै लेखदेन नभएको बताएकी थिइन् ।