काठमाडैं। यूएईमा जारी आईपीएलको लिग चरणको अन्तिम खेलमा दिल्ली क्यापिटल्स जित हात पार्दै शीर्षमा दुई रहँदै प्लेअफमा प्रवेश गरेको छ। सोमबार भएको खेलमा रोयल च्यालेन्जर्स बेंगलोर (आरसीबी)लाई ६ विकेटले पराजित गर्दै प्लेअफ दौड पक्का गर्यो। हारपछि पनि आरसीबी प्लेअफमा पुगेको छ। तर, हाल अंकतालिको चौथो स्थानमा रहेको कोलकाता नाइट राइडर्सलाई भने तनाव भएको छ।

पहिला ब्याटिंग गरेको आरसीबीले ७ विकेट गुमाएर १५२ रन बनाएको थियो। दिल्लीका लागि शिखर धवन र अजिंक्य रहाणेले अर्धशतक बनाएपछि ४ विकेट गुमाएर १९ ओभरमा जित दिलाए।

यदि यो खेल १७ ओभर ३ बलमा दिल्लीले जितेको भए आरसीबी अंक तालिको चौथो स्थानमा खस्किने थियो। र कोलकाता तेस्रो नम्बरमा उक्लिने थियो। तर, खेल १९ ओभरसम्म पुगेकाले १४ अंक रहेको आरसीबी पनि प्लेअफ पुगेको छ।

लिग चरणको एकमात्र खेल बाँकी रहँदा प्लेअफ पुग्ने तीन टिमको टुंगो लागेको छ भने अन्तिम खेलपछि चौथो टिमको टुंगो लाग्ने छ। १२ अंक रहेको र रनरेट राम्रो रहेको सनराईजर्स हैदरवाद र शीर्ष स्थानको मुम्बई इण्डियन्सबीच मंगलबार खेल हुँदै छ। यो खेलमा हैदरावाद विजयी भए कोलकाता प्लेअफबाट बाहिरने छ भने हैदरवाद तेस्रो हुँदै प्लेअफमा पुग्ने छ। तर, मुम्बई इण्डियन्स विजयी भए कोलकाता चौथो स्थानमा रहँदै प्लेअफ पुग्नेछ।