काठमाडौं। बेलायती राजकुमारी मेगन मर्केलका पिता थोमस मर्केलले चर्चित टेलिभिजन प्रस्तोता ओप्रा विन्फ्रेलाई एउटा पत्र लेख्दै आफ्नो अन्तरवार्ता लिइदिन आग्रह गरेका छन् । थोमसले ओप्रासँग आफू र आफ्नी छोरी मेगनको सम्बन्धबारे अन्तरवार्ता लिइदिन आग्रह गरेको पत्र आफैं गएको ओप्राको घरमा पुर्याएका छन् ।

बिहीबार ७६ वर्षका थोमस ओप्राको क्यालिफोर्नियास्थित घरमा पुगेर घरबाहिर रहेका सुरक्षाकर्मीलाई आफ्नो पत्र दिएका हुन् । यसअघि मेगन र राजकुमार ह्यारीले ओप्रालाई दिएको एक अन्तरवार्तामा मेगनले आफ्ना पिताले दिएको ‘धोका’बारे बोलेकी थिइन् । यही विषयमा थोमसले आफ्नो कुरा भन्न चाहेको विश्वास गरिएको छ ।