काठमाडौं। कपाल लामो राख्नु अपराध होइन । कपाल लामो राखेकै कारण कसैलाई पक्राउ गरेर जेलमा हाल्न मिल्दैन । तर, एक कलाकारले भने लामो कपालकै कारण जेलको हावा खानुपरेको छ । यी कलाकार हुन् पाकिस्तानी थिएटर अभिनेता अबुजार मधु । उनलाई यसअघि पनि कपालकै कारण निकै विचित्र परिस्थितिको सामना गर्नु परिसकेको छ । पाकिस्तानको पंजाब प्रान्तका २८ वर्षका मधु थिएटर कलाकार हुनुका साथै बालबालिकालाई पढाउँछन् ।

५ जूनका दिन दिउँसो लाहोरमा मधुलाई जेलमा हालिएको थियो । त्यतिबेला उनले रिक्सा पर्खिरहेका थिए । पुलिस अधिकारीका अनुसार उनीहरुले मधुले यस्तो हुलिया किन बनाए भन्ने बुझ्न सकिरहेका थिएनन् । मधुका अनुसार उनले चुरा जस्ता केही बाला पनि लगाएका थिए र कपाल पछाडि बाँधेका थिए । मधुले भाइस वर्ल्ड न्यूजसँग कुरा गर्दै भने ‘मलाई मेरो कपालका कारण सडकमा रोकिन्छ । पुलिसले प्रायः मेरो तलाशी लिन्छन् । मलाई हरेक दिन पुलिसले कम्तीमा ३ पटक रोक्छन् । मलाई एक अपराधीको रुपमा हेरिन्छ । मलाई गिरफ्तार गरिएको भने यो पहिलो पटक हो ।’

Artist and performer abuzar madhu was arrested last night by SHO because he was walking on the street of lahore. He was suspected and his bags were checked. He was later taken to police station pic.twitter.com/9qYQIvLqEm

— Alia Haider (@DrAliahaider) June 6, 2021

मधुले अगाडि भने ‘पुलिसले मसँग सुधे कि के तिमीले आफ्नो हुलिया हेरेका छौ ? आखिर तिमीले यस्तो लुक र कपालका साथ बालबालिकालाई कसरी पढाउँछौ ? मैले उनीहरुलाई म एक कलाकार भएको बताएँ र सबै दस्तावृज देखाएँ । तर उनीहरुले मलाई भने कि उनीहरु मलाई ‘सिधा’ पार्न चाहन्छन् ।’ पुलिसले त्यसपछि मधुलाई पक्राउ गरे र जेलमा हाले । रोचक त के भने पाकिस्तानमा अवारा बनेर बरालिएर हिँड्नुलाई अपराध मानिन्छ ।

मधुका अनुसार आवारा भएर हिँड्नेलाई रोक्ने कानुन ब्रिटिस राजबाटै चलिरहेका छन् । ब्रिटिस शासकले स्थानीयको चालचलनमा नियन्त्रण गर्न चाहेको भए पनि आज समेत यो कानुन कायमै रहेकोमा उनले दुःख व्यक्त गरे । पाकिस्तानमा वर्गवादी समाज र असमानता धेरै भएको बताउँदै मधुले भने ‘मैले यस्ता कैयौं मानिस देखेको छु जसको लामो कपाल छ तर उनीहरुसँग निजी कार पनि छ । म सार्वजनिक यातायातको प्रयोग गर्छु त्यसैले मलाई सडकमा रोकिन्छ ।’