काठमाडौं। साताको पहिलो दिन आइतबार (आज) सुनको मूल्य तोलामा ६ सय रुपैयाँ घटेको छ। आइतबार सुन तोलामा ६ सय रुपैयाँले घटेर ९२ हजार ६ सय रुपैयाँमा कारोबार हुने नेपाल सुन चाँदी व्यवसायी महासंघले जनाएको छ।

यसअघि गत शुक्रबार सुन प्रतितोला ९३ हजार २ सय रुपैयाँमा कारोबार भएको थियो।

त्यसैगरी, तेजाबी सुन प्रतितोला ९२ हजार १ सय रुपैयाँमा कारोबार हुने छ।

यस्तै, आइतबार चाँदीको मूल्य पनि घटेको छ।

गत शुक्रबार प्रतितोला १ हजार ३ सय २० रुपैयाँमा कारोबार भएको चाँदी आज २५ रुपैयाँले घटेर प्रतितोला १ हजार २ सय ९५ रुपैयाँमा कारोबार हुने महासंघले जनाएको छ।