काठमाडौँ। यस वर्षको अन्तिम दिन पनि सुनको मूल्य बढेको छ। बुधबार छापावाला सुनको मूल्य प्रति तोला १ लाख १ हजार ५ सय रुपैयाँ कायम भएको छ।

मंगलबार प्रति तोला १ लाख ९ सय रुपैयाँमा कारोबार भइ रहेको छापावाला सुन आज ६ सयले बढेर प्रति तोला १ लाख १ हजार ५ सय रुपैयाँ रहेको पुगेको नेपाल सुनचाँदी व्यवसायी महासंघले जनाएको छ। आज तेजावी सुनको भाउ तोलाको १ लाख १ हजार रुपैयाँ निर्धारण भएको छ।

यता, चाँदीको मूल्य प्रति तोला १ हजार ४ सय रुपैयाँ पुगेको छ।  चाँदी प्रति तोला २० रुपैयाँले बढेको हो। मंगलबार चाँदी प्रति तोला १ हजार ३ सय ८० रुपैयाँमा कारोबार भएको थियो।