काठमाडौं । हिन्दी फिल्मकी अभिनेत्री ज्याकलिन फर्नान्डिजले बुधबार दिल्लीको पटियाला अदालतमा १५ दिनका लागि विदेश जान अनुमति माग्दै निवेदन दिएकी छिन् ।

बीबीसी हिन्दीसँगको कुराकानीमा फर्नान्डिजका वकिल अजित सिंहले ज्याकलिन फर्नान्डिजलाई धेरै कामका कारण अबुधाबी, नेपाल र फ्रान्स जान आवश्यक रहेको बताए । त्यसमध्येको एउटा कारण हो आइफा अवार्ड।

अजित सिंहले बीबीसीलाई भने, ‘वर्तमान मुद्दाको तथ्य र परिस्थितिलाई ध्यानमा राख्दै यो निवेदन दायर गरिएको हो। हामीले निवेदकलाई उनको राहदानी फिर्ता गर्न माग गरेका छौं।

ज्याकलिन फर्नान्डेज भारतकी नभई श्रीलंकाकी नागरिक हुन् र उनी सन् २००९ देखि भारतमा बसेर बलिउडका लागि काम गरिरहेकी छिन् ।

याचिकामा भनिएको छ- हालको मुद्दामा प्रवर्तन निर्देशनालयले दायर गरेको आरोपपत्रमा ज्याकलिनको नाम अभियुक्तको रूपमा दर्ता गरिएको छैन। तैपनि, कुनै खास कारण नदिई ईडीले निवेदकको राहदानी जफत गर्यो।’

ज्याकलिन चर्चित नायिका भएकाले धेरै कार्यक्रममा सहभागी हुन विदेश जानु पर्ने समेत उनले बताए । ज्याकलिन फर्नान्डिसविरुद्ध मनी लान्ड्रिङको आरोपमा यो मुद्दा दर्ता भएको बताइएको छ ।