काठमाडौं । भरतपुर महानगरपालिकाको मतगणनामा गठबन्धनकी उम्मेदवार रेणु दाहालको अग्रता कायम छ ।

तर, पछिल्लो अपडेटमा अग्रता साँघुरिएको छ । यसअघि १२१ मतले अगाडि रहेकी रेणुको अग्रता ६८ मा झरेको छ ।

पछिल्लो गणनाअनुसार गठबन्धनतर्फकी मेयर उम्मेदवार नेकपा माओवादीकी रेणु दाहाल ६८ मतले अगाडि छिन् ।

उनले १३७३ मत ल्याउँदा निकटतम प्रतिद्वन्द्वी नेकपा एमालेका विजय सुवेदीले १३०५ मत प्राप्त गरे । त्यस्तै स्वतन्त्र उम्मेदवार जगन्नाथ पौडेलको ४७० मत छ ।

उपमेयरमा कांग्रेसका चित्रसेन अधिकारीले १५४२, राप्रपाकी हिमला गुरुङले १०३५ मत ल्याएका छन् ।