काठमाडौं । कमल थापा नेतृत्वको राष्ट्रिय प्रजातन्त्र पार्टी नेपाललाई गाई चुनाव चिन्ह प्रदान गर्न सर्वोच्च अदालतले अन्तरिम आदेश जारी गरेको छ ।

निर्वाचन आयोगले राप्रपा नेपाललाई गाई चुनाव चिन्ह नदिएपछि कमल थापाले सर्वोच्चमा रिट हालेका थिए । न्यायाधीशद्वय आनन्द मोहन भट्टराई र कुमार चुँडालको संयुक्त इजलासले आज गाई चुनाव चिन्ह प्रदान गर्न निर्वाचन आयोगका नाममा अन्तरिम आदेश दिएको हो ।

योसँगै अब राप्रपा नेपाललाई गाई चिन्ह पाउने बाटो खुलेको छ ।

राप्रपा नेपाललाई ‘गाई’ चिन्ह दिन नमिल्ने निर्वाचन आयोगको निर्णय विरुद्धको रिटमा सर्वोच्च अदालतका सम्माननीय न्यायमूर्ति आनन्दमोहन भट्टराई र कुमार चुँडालको संयुक्त ईजलासले अन्तरिम आदेश जारी गरेपछि अब राप्रपा नेपाललाई ‘गाई’ चिन्ह पाउने बाटो खुलेको छ।राप्रपा नेपालले न्याय पाएको छ।

— Kamal Thapa (@KTnepal) July 24, 2022