काठमाडौं । फ्रान्सको पेरिसस्थित चार्ल्स डे गौले विमानस्थलमा १८ वर्षसम्म बसेका एक इरानी नागरिकको शनिबार विमानस्थलमै मृत्यु भएको छ । अधिकारीहरूले यो जानकारी दिएका छन्। २००४ को स्टीभन स्पिलबर्ग फिल्म द टर्मिनल यस व्यक्तिबाट प्रेरित थियो।

पेरिस विमानस्थल प्राधिकरणका एक अधिकारीका अनुसार मेरहान करीमी नासेरीको दिउँसो विमानस्थलको टर्मिनल २ एफमा हृदयघातका कारण मृत्यु भएको हो । प्रहरी र मेडिकल टोलीले उनको उपचार गरे पनि बचाउन नसकेको अधिकारीले बताए ।

फ्रान्सेली मिडिया रिपोर्टका अनुसार, १९४५ मा जन्मेका करीमी नासेरी, १९८८ देखि २००६ सम्म एयरपोर्टको टर्मिनल १ मा बस्थे, एयरपोर्टमा बस्नु अघि उनीसँग रेसिडेन्सी कागजातहरू नभएका कारण कानुनी समस्या थियो । तर, पछि उनी सोखका रुपमा विमानस्थलमा बस्न थाले । पछिल्ला सातादेखि उनी फेरि विमानस्थलमा बस्न थालेको विमानस्थलका एक अधिकारीले बताए ।

वर्षौंदेखि करीमी रातो प्लास्टिकको बेन्चमा सुत्थे, एयरपोर्टका कर्मचारीहरूसँग मित्रता गर्थे, स्टाफको बाथरूममा नुहाउथे, आफ्नो डायरीमा लेख्थे, पत्रिकाहरू पढ्थे र यात्रुहरू आइपुग्दा सर्भे गर्थे। कर्मचारीहरूले उनलाई लर्ड अल्फ्रेडको उपनाम पनि दिए, र उनी यात्रुहरूका बीचमा मिनी-सेलिब्रेटी बने।

आफ्नो बेन्चमा बसेर, पाइप चुरोट पिउँदै, लामो कपाल, डुबेका आँखा र खाली गालाहरूसहित, करीमीले सन् १९९९ मा एसोसिएटेड प्रेसलाई एक दिन म यो एयरपोर्ट छोड्नेछु, तर मलाई राहदानी वा ट्रान्जिट भिसाको पर्खाइ छ भनेका थिए ।

नासेरीको जन्म सन् १९४५ मा सुलेमानमा भएको थियो, जुन इरानको एउटा भाग थियो जुन त्यतिबेला बेलायती अधिकारक्षेत्रमा थियो। बाबु इरानी र आमा बेलायती थिइन् । उनले सन् १९७४ मा इरान छाडेर इङ्गल्याण्डमा पढेका थिए । फर्किएपछि शाहको विरोध गरेको भन्दै आफूलाई थुनिएको र राहदानीविना निष्कासन गरिएको उनले बताए ।