काठमाडौं । प्रदेश तथा प्रतिनिधि सभा सदस्य निर्वाचन अन्तर्गत काठमाडौं निर्वाचन क्षेत्र नं ३ बाट नेपाली कांग्रेसका नेता सन्तोष चालिसे विजयी भएका छन् ।

मंगलबार राति सम्पन्न मतगणनामा निकटतम प्रतिस्पर्धी नेकपा एमालेका कृष्णबहादुर राईलाई ३ हजार ९ सय ६२ मतान्तरले  पराजित गर्दै चालिसे सांसद निर्वाचित भएका हुन् ।

विजयी भएका चालिसेले १५ हजार १५८ मत प्राप्त गरे । यस्तै पराजित भएका राईले ११ हजार १९६ मत पाएका छन् ।