काठमाडौँ। सिभिल बैंकले आफ्नो सेयरधनीलाई लाभांश दिने घोषणा गरेको छ। मंगलबार (आज) बिहान ९ बजे बसेको सञ्चालक समितिको बैठकले आर्थिक वर्ष २०७८/७९ को मुनाफाबाट ५ प्रतिशत बोनस सेयर दिने निर्णय गरेको हो।  साथै, बोनसमा लाग्ने कर तिर्न नगद लाभांश पनि दिने भएको छ।

कम्पनीले हाल कायम चुक्तापुँजी ९ अर्ब ७ करोड ५८ लाख ४३ हजार ८९०.३१ रुपैयाँको ५ प्रतिशतले हुन आउने ४५ करोड ३७ लाख ९२ हजार १९४.५२ रुपैयाँबराबरको बोनस सेय र कर प्रयोजनका लागि ०.२६ प्रतिशतले हुन आउने २ करोड ३८ लाख ८३ हजार ७९९.७१ रुपैयाँबराबरको नगद लाभांश वितरण गर्ने भएको छ।

प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी सेयरधनीहरुलाई वितरण गरिने बैंकले जनाएको छ।