काठमाडौं । कफी हाम्रो लागि फाइदाजनक वा हानिकारक भन्ने विषयमा लामो समयदेखि चर्चा हुँदै आएको छ । धेरै जसो अध्ययनहरूले कफी सहि मात्रामा सेवन गर्दा विभिन्न स्वास्थ्य लाभहरू हुन सक्छ। यति मात्र होइन, यो कलेजोको जटिलता कम गर्नमा पनि फाइदाजनक पाइन्छ । अर्थात्, फ्याटी लिभर र लिभर सिरोसिस जस्ता समस्याहरूको जोखिम कम गर्न कफी तपाईंको लागि लाभदायक हुन सक्छ। ब्रिटिश मेडिकल जर्नलमा छापिएको उक्त अनुसन्धानले कलेजोसम्बन्धी रोग, केही प्रकृतिका क्यान्सर र पक्षघातका कारण हुने मृत्युको जोखिम कम हुने देखाएको छ।

कॉफी एक वनस्पति तथा यसबाट बनाइने पेयपदार्थ हो। कफीको उत्पति अफ्रिकाको इथियोपियामा भएको थियो र हाल यसको खेति दक्षिण अमेरिका, मध्य अमेरिका र दक्षिणपूर्व एसियामा हुन्छ। कफी नपिउनेको तुलनामा कफी पिउनेमा हृदयघात र मस्तिष्कघात जस्ता स्वास्थ्य समस्या हुने सम्भावना कम रहेको उल्लेख गरिएको छ।
एक अध्ययनका अनुसार गैर–अल्कोहलयुक्त फ्याटी कलेजो समस्या भएका मानिसहरूले यसको जटिलताहरू कम गर्न कफी पिएर फाइदा लिन सकिन्छ। यसअघिका अध्ययनहरूले पनि कफीको नियमित सेवन मुटुको स्वास्थ्य, न्यूरोलोजिकल डिसअर्डर र मधुमेहका बिरामीका लागि फाइदाजनक हुने सुझाव दिएको थियो।

कफी कत्तिको फाइदाजनक छ?

जोन्स हप्किन्सको रिपोर्ट अनुसार, अमेरिकीहरूको लागि आहारबिद्का अनुसार महिलाहरूलाई दिनको तीन देखि पाँच कप कफी पिउन सिफारिस गर्दछ, जसमा ४०० मिलिग्राम क्याफिन भन्दा बढी हुनु हुँदैन। तर यदि तपाईं गर्भवती हुनुहुन्छ वा स्तनपान गराउनुहुन्छ भने, यस सम्बन्धमा चिकित्सकको सल्लाह आवश्यक छ। औसतमा, दिनमा दुई देखि तीन कप सबैका लागि सुरक्षित मानिन्छ। एउटा नयाँ अध्ययनले ठिक्क मात्रामा कफी पिउँदा त्यसले गर्भवती महिलाबाहेक अरुलाई नराम्रो असर नगर्ने देखाएको छ।

कफी कलेजोका लागि फाइदाजनक: कफीले कलेजोको स्वास्थ्य कायम राख्न सहयोगी हुने अध्ययनले देखाएको छ । एक अध्ययनले दिनमा दुई कप कफी पिउनाले कलेजो रोग भएका व्यक्तिहरूमा लिभर सिरोसिस र कलेजोको क्यान्सरको जोखिम बढ्न सक्ने देखाएको छ। कफीले फ्याटी लिभरको गम्भीरता कम गर्नमा पनि फाइदा पुर्‍याउन सक्छ। शोधकर्ताहरूले पत्ता लगाए कि दैनिक तीन देखि चार कप कफी पिउनाले क्रोनिक कलेजो रोगको समस्या ठज्ञ प्रतिशतले कम गर्न सक्छ।

डिप्रेसनमा फाइदाजनक: अध्ययनले पत्ता लगाएको छ कि कफी पिउनाले डिप्रेसनको जोखिम कम गर्न सक्छ। अध्ययनको समीक्षाले दैनिक दुई कप कफी पिउनाले डिप्रेसनको जोखिम ८ प्रतिशतले कम हुने देखाएको छ । कफीले मानसिक स्वास्थ्यमा सकारात्मक प्रभाव पार्छ र चिन्ता विकारहरू कम गर्न पनि फाइदाजनक हुन्छ। कफीको मध्यम सेवनले मानसिक स्वास्थ्यलाई राम्रो राख्न फाइदाजनक हुन्छ ।

मधुमेहको समस्या कम हुन्छ: शोधकर्ताहरूले पत्ता लगाए कि कफी पिउने मानिसहरूमा रगतमा चिनीको मात्रा बढ्ने जोखिम कम हुन्छ। कफीको नियमित सेवनले टाइप(२ मधुमेहको विकास र यसका जटिलताहरूलाई कम गर्न पनि फाइदाजनक हुन्छ। अध्ययनको समीक्षाले दिनको दुई देखि तीन कप कफीले टाइप द्द मधुमेहको जोखिमलाई ट प्रतिशतसम्म कम गर्न सक्छ। यो प्यान्क्रियाजमा बिटा कोशिकाहरूको कार्यलाई बढावा दिन र इन्सुलिन उत्पादनमा पनि फाइदाजनक छ।

कफी पिउनुका अन्य फाइदा:
–बल पर्ने गरी शारीरिक परिश्रम गरेपछि कफी पिउँदा दुखाई कम हुन्छ ।
–नियमित कफी पिउँदा स्वास्थ्यमा अत्यावश्यक फाइबरको मात्रा प्राप्त हुन्छ ।
–कफी सेवनले कलेजोको सिरोसिस हुनबाट जोगाउँछ ।
–दैनिक कफी पिउने व्यक्तिमा डाइबिटिजको जोखिम २२ प्रतिशत कम हुन्छ ।
–कफीमा हुने क्याफिनले अल्जाइमर रोगको जोखिम कम गर्न सहयोग गर्दछ ।
–कफीले पार्किन्सनसहितका जोखिम कम गर्न सहयोग गर्दछ ।
–कफी सेवनले मुटु सम्बन्धी रोगको जोखिम कम गर्दछ ।
–कफी पिउनेहरुको डिएनए बलियो हुने गर्दछ ।