काठमाडौँ। कुनै न कुनै बेला कपाल झर्ने समस्या सबैले सामना गर्नुपर्ने हुन्छ। कपाल झर्नुको धेरै कारणहरु छन् जस्तै तपाईको खानपान, तनाव आदि। तर कतिपयलाई यो समस्याले धेरै सताउने हुन्छ र बिस्तारै उनीहरुको समस्या तालु खुइलिनेमा परिणत हुन थाल्छ।

तालु खुइलिनुको समस्याबाट छुटकारा पाउनको लागि तपाईले केहि यस्ता चीजहरू प्रयोग गर्नु आवश्यक छ जसले तपाईको कपाल झर्न कम गर्छ र कपालको वृद्धि पनि बढाउँछ। आज हामी तपाईलाई केहि यस्ता घरेलु उपायहरु बताउन गइरहेका छौँ जसबाट तपाई यस समस्याबाट छुटकारा पाउन सक्नुहुन्छ।

१. मसाज- टाउकोमा मालिस गर्दा रगतको प्रवाह बढ्छ, जसले कपालको वृद्धि बढाउँछ। यस्तो अवस्थामा राम्रो कपालको तेलको सहायताले हल्का हातले कपालमा मसाज गर्नु जरुरी छ।

२. नरिवलको तेल- नरिवलको तेलले टाउकोको माइक्रोबायोटा सुधार गर्छ, जसले गर्दा कपालको फोलिकल्स र स्क्याल्पलाई बलियो बनाउँछ। नरिवलको तेलमा महत्त्वपूर्ण फ्याटी एसिड हुन्छ जसले कपालको शाफ्टमा प्रवेश गर्छ र कपाल झर्नबाट रोक्छ। हप्तामा कम्तिमा दुई पटक, आफ्नो टाउकोमा नरिवलको तेल मालिस गर्नुहोस् र नुहाउनु अघि केही घण्टा वा रातभर छोड्नुहोस्।

३. अमला- अमलामा आवश्यक फ्याटी एसिड हुन्छ जसले कपालको फोलिकल्सलाई मजबुत बनाउन काम गर्छ र यसमा पाइने भिटामिन सीले समयभन्दा पहिले कपाल फुल्नबाट बचाउँछ।

४. क्यास्टर आयल– केस्टरको तेल कपालका लागि चमत्कारभन्दा कम छैन। यसमा प्रोटिन, भिटामिन ई र धेरै प्रकारका मिनरल्स पाइन्छ। क्यास्टर आयल संसारको सबैभन्दा बाक्लो तेल हो, त्यसैले यसलाई सीधा कपालमा लगाउन सकिँदैन। क्यास्टरको तेललाई जैतुनको तेल वा नरिवलको तेलसँग मिसाएर लगाउनु पर्छ।

५. प्याजको रस- प्याजको रसले टाउकोमा रक्तसञ्चार बढाउँछ, जसले कपालको वृद्धि बढाउँछ। प्याजको रस एलोपेसिया एरियाटा नामक रोगको लागि धेरै लाभदायक साबित हुन्छ। यो रोगका कारण शरीरका विभिन्न भागबाट कपाल झर्न थाल्छ। प्याजको रस स्याम्पु गर्नुभन्दा १५ मिनेटअघि कपालमा लगाउनुपर्छ।

६. अण्डाको मास्क- अण्डाको मास्क तपाईको कपालको लागि धेरै लाभदायक मानिन्छ। अण्डामा ७० प्रतिशत केराटिन प्रोटिन हुन्छ, जसले क्षतिग्रस्त र सुख्खा कपाललाई नरम बनाउने काम गर्छ। २ वटा अण्डामा २ चम्चा दही मिसाएर कपाल धुनुभन्दा ३० मिनेटअघि यो मास्क कपालमा लगाउनुहोस्।