काठमाडौं । नेपाली कांग्रेसका नेता तथा सांसद चन्द्र भण्डारीलाई थप उपचारका लागि सरकारले मुम्बई लैजाने तयारी गरेको छ ।

सांसद भण्डारीको स्वास्थ्यअवस्था बुझ्न बिहान किर्तिपुर अस्पताल पुगेका स्वास्थ्यमन्त्री पदम गिरीले भण्डारीलाई थप उपचारका लागि मुम्बइ लैजाने बताएका हुन् ।

भण्डारीको थप उपचार भारतको मुम्बईस्थित नेश्नल बर्न सेन्टर गरिने मन्त्री गिरीले जानकारी दिए ।

बुधबार खाना पकाउने ग्यास सिलिन्डर विस्फोटबाट सांसद चन्द्र भण्डारी र उनकी आमा हरिकला भण्डारी घाइते भएका थिए ।

चन्द्र भण्डारीको आमा हरिकला भण्डारीको आज बिहान कीर्तिपुर अस्पतालमा उपचारको क्रममा निधन भइसकेको छ ।