काठमाडौं। विश्वकप लिग २ अन्तर्गतको खेलमा नेपालको बलिङ पपुवा न्यूगिनीको ब्याटिङमाथि हावी भएको छ।

टस जितेर पहिले फिल्डिङ रोजेको नेपालले पीएनजीमाथि सुरूदेखि दबाब बनाएको छ। २८ ओभरको खेल सकिँदा पीएनजीले ८ विकेट गुमाइसकेको छ। उसले अहिले केबल ९४ रन मात्रै बनाएको छ।

नेपालका लागि सन्दीप लामिछानेले ४ र ललित राजवंशीले २ विकेट लिइसकेका छन्। त्यसैगरी सोमपाल कामी र कुशल मल्लको नाममा एक एक विकेट रहेको छ।
सोमपाल कामी र कुशल मल्लको नाममा एक एक विकेट रहेको छ।

नेपालले कसिलो बलिङ गर्दा पीएनजीका कुनै खेलाडीले व्यक्तिगत २० रन कटाउन सकेनन्। पीएनजीका लागि असद भलाले ३१ बलमा सर्वाधिक २० रन बनाए।